ގާނޫނުން ބޭރުން އެއްވެސް ކަމެއް އެމްޑީޕީއަށް ނުކުރެވޭނެ ކަމަށް، ބާރަށު ދާއިރާގެ ޕީއެންސީ މެމްބަރު އިބްރާހިމް ޝުޖާއު ވިދާޅުވެއްޖެ އެވެ.
ޝުޖާއު މިހެން ވިދާޅުވި އިރު، ގާނޫނު އަސާސީގެ ދިފާއުގައި މި މަހުގެ 31 ގައި މާލޭގެ މަގުމައްޗަށް އިހުތިޖާޖަށް ނިކުންނަން އެމްޑީޕީން ވަނީ ނިންމާފަ އެވެ.
އެކްސްގައި ކުރެއްވި ޕޯސްޓެއްގައި ޝުޖާއު ވިދާޅުވީ ޤާނޫނީ އިމުގެ ތެރެއިން ސުލްހަވެރިކަމާ އެކު ހިޔާލު ފާޅުކުރުމަށް މި ސަރުކާރުން ހުރަހެއް ނާޅާނެ ކަމަށެވެ. ނަމަވެސް ޤާނޫނުން ބޭރުން އެއްވެސް ކަމެއް ނުކުރެވޭނެ ކަމަށް ޝުޖާއު ވިދާޅުވި އެވެ.
"އަހަރެމެން އިދިކޮޅުގައި ތިބި އިރު ހިނގި ގޮތަށް މިއަދުވެސް ޤާނޫނު ހިނގާނެ. ހަނދާން މިކޮށްލަ ދިނީ،" ޝުޖާއު ވިދާޅުވި އެވެ.
ޤާނޫނީ އިމުގެ ތެރެއިން ސުލްހަވެރިކަމާއެކު ހިޔާލު ފާޅުކުރުމަށް މިސަރުކާރުން ހުރަހެއް ނާޅާނެ.
ނަމަވެސް ޤާނޫނުން ބޭރުން އެއްވެސް ކަމެއް ނުކުރެވޭނެ.އަހަރެމެން އިދިކޮޅުގައި ތިބި އިރު ހިނގި ގޮތައް މިއަދުވެސް ޤާނޫނު ހިނގާނެ.ހަނދާން މިކޮށްލަ ދިނީ! @MDPSecretariat— Ibrahim Shujau (@IbrahimShujaau) January 11, 2025
އެމްޑީޕީން އިހުތިޖާޖަށް ނިކުންނަން ނިންމާފައިވާއިރު، މަޖިލީހުން މިދިޔަ އަހަރު ވަނީ ގާނޫނު އަސާސީ އަށް ކުއްލި އިސްލާހުތަކެއް ގެނެސްފަ އެވެ.
އޭގެތެރޭގައި ހިމެނެނީ ސަރުކާރުން ވަނީ ޕާޓީ ބަދަލުކުރުމުން މަޖިލިސް މެމްބަރުންގެ ގޮނޑި ގެއްލޭ އިސްލާހަކާއި، ރައްޔިތުންގެ މަޖިލީހުގެ ރުހުން ނެތި ރާއްޖޭގައި ބޭރު ސިފައިންނަށް ނުތިބެވޭ ގޮތް ހެދުމުގެ އިސްލާހެވެ. އަދި ރާއްޖޭގެ ސަރަހައްދަށް އެއްވެސް ބަދަލެއް ގެނެވޭނީ މަޖިލީހުގެ މެމްބަރުންގެ މަދުވެގެން ތިންބައިކުޅަ ދެބައިގެ އަޣުލަބިއްޔަތުން ކަމަށް ހެދުމުގެ އިސްލާހު ވަނީ ގާނޫނު އަސާސީ އަށް ގެނެސްފަ އެވެ.
އެމްޑީޕީން މީގެކުރިން ވަނީ "ގާނޫނުއަސާސީގެ ދިފާއު" ގެ ނަމުގައި މާލޭގައި ބޮޑު ޖަލްސާއެއް ވެސް ބާއްވާފަ އެވެ.