މިދިޔަ އަހަރުގެ ޖުލައި މަހުގެ ތެރޭގައި ހުޅުމާލޭގައި ހިނގި ނުރައްކާތެރި އެކްސިޑެންޓާ ގުޅިގެން ހައްޔަރުކޮށް ދައުވާކުރި އިބްރާހިމް އިކްރާމް ތިނަ މަހަށް ޖަލަށްލާން ލުމަށް ކްރިމިނަލް ކޯޓުން މިއަދު ހުކުމްކޮށްފި އެވެ.
ޖުލައި މަހުގެ 31 ވަނަ ދުވަހުގެ އެކްސިޑެންޓްގައި އޭނަ ދުއްވި ރޭސް ކާރު ކޮންޓްރޯލް ނުވެގެން މަގުމަތީގައި ސައިކަލެެއްގައި މަޑުކޮށްލައިގެން އިން މީހެއް ގައިގައި ޖެހި ބޮޑެތި އަނިޔާތަކެއް ލިބުނެވެ.
އެ އެކްސިޑެންޓް ހިނގި އިރު، އިކްރާމާ އެކު ކާރުގައި އިތުރު ދެ މީހަކު ވެސް ތިއްބެވެ. އެ މީހުން އެކްސިޑެންޓްވުމުް ފިލި
މި މައްސަލާގައި އިކްރާމްގެ މައްޗަށް ދައުލަތުން އުފުލާފައިވާ ހަ ދައުވާއަށް އުފުލިއެވެ. އަދި އޭނަ ވަނީ އެ ދައުވާތަކަށް އެއްބަސްވެ ދައުލަތާ އެކު އިއުތިރާފު އެއްބަސްވުމެއް ވެސް ހަދައިފަ އެވެ.
އިއުތިރާފުގެ އެއްބަސްވުމުގައި ހިމެނޭ ކަންކަން:
* އަނިޔާއެއް ދިނުމުގެ ކުށުގެ ދައުވާ: ޖަލު އަދަބު ޖޫރިމަނާއަށް ބަދަލުކޮށް 44،800 ރުފިޔާގެ ޖޫރިމަނާއެއް 8 މަސް ދުވަހުގެ ތެރޭގައި ދެއްކުން.
* މީހަކު ފަރުވާލެއް ނެތި ކުރާ އަމަލެއްގެ ސަބަބުން މީހެއްގެ ހަށިގަނޑަށް ބޮޑު އަނިޔާއެއް ލިބިދާނެ ކަމުގެ ބިރެއް ކުރިމަތިކުރުމުގެ ކުށުގެ ދައުވާ: ތިން މަސް ދުވަހުގެ ޖަލު ބަންދުގެ އަދަބަކާއި 19،200 ރުފިޔާގެ ޖޫރިމަނާއެއް 8 މަސް ދުވަހުގެ ތެރޭގައި ދެއްކުން.
* މުދަލަށް ގެއްލުން ދިނުމުގެ ކުށުގެ ދެ ދައުވާއެއް: ބޭސްފަރުވާގެ ހަރަދަށް ގާތްގަނޑަކަށް 24،000 ރުފިޔާ ދިނުމާއި އަދި ސައިކަލަށް ލިބުނު ގެއްލުންތަކަށް 95،000 ރުފިޔާ ދައްކާފައިވާތީ މި ދެ ދައުވާ އަނބުރާ ގެންދިއުން
* އެކްސިޑެންޓްވުމުން އެ ކަމުގެ ރިޕޯޓް ނުކުރުމުގެ ކުށުގެ ދައުވާ: 5،400 ރުފިޔާގެ ޖޫރިމަނާއެއް 8 މަސްދުވަސް ތެރޭގައި ދެއްކުން
އެހީއަށް ބޭނުންވެފައިވާ މީހާއަށް އެކަށީގެންވާ ސަބަބެއް ނެތި އެހީތެރިކަން ފޯރުކޮށްނުދިނުމުގެ ކުށުގެ ދައުވާ: ހަސަތޭކަ ރުފިޔާގެ ޖޫރިމަނާއެއް 8 މަސްދުވަސް ތެރޭގައި ދެއްކުން.
މި މައްސަލަ ނިންމައި ލްކޯޓުން ނިންމީ އިކްރާމް 3 މަހަށް ޖަލަށްލުމަށެވެ. އަދި އޭނަ 70،000ރ. ރުފިޔާ އިން ޖޫރިމާނާކުރުމަށެވެ. ށްވެސް ހުކުމްގައިވެއެވެ.
މިއަދުގެ ޝަރީއަތުގައި ދައުލަތުގެ ވަކީލާއި އިކްރާމް ބުނީ އެކްސިޑެންޓްގައި އަނިޔާވި މީހާގެ ފަރުވާ އަށް އިކްރާމްގެ ފަރާތުން މިހާތަނަށް ގާތްގަނޑަކަށް 118،000ރ. ދައްކައިފައިވާ ކަމަށެވެ.