ހަނގުރާމަވެރި ހަތިޔާރު ގެންގުޅުނުކަމުގެ ކުށް ސާބިތުވާކަމަށް ކަނޑައަޅައި ކްރިމިނަލް ކޯޓުން ކޮށްފައިވާ 11 އަހަރު ދުވަހުގެ ޖަލު ހުކުމް ތަންފީޒު ކުރަމުން އަންނަ ކުރީގެ ޑިފެންސް މިނިސްޓަރ ކާނަލް ރިޓަޔަޑް މުހައްމަދު ނާޒިމް، ލޮލުގެ ޑޮކްޓަރަށް ދެއްކުމަށްޓަކައި އައިކެއާ އަށް މީގެ ކުޑައިރުކޮޅެއް ކުރިން ގެނެސްފިއެވެ.
މައުލޫމާތު ލިބިފައިވާގޮތުގައި ނާޒިމް އައިކެއާ އަށް ދެއްކުމަށް ގެނެސްފައިވަނީ ލޮލުގެ ޑޮކްޓަރަކަށް ދެއްކުމަށް އެދިފައިވާތާ ގިނަ ދުވަސްތަކެއް ފަހުންނެވެ.
ކްރިމިނަލް ކޯޓުން ނާޒިމްގެ މައްޗަށް އިއްވި 11 އަހަރުގެ ޖަލު ހުކުމް ހައި ކޯޓުގައި ނާޒިމްގެ ފަރާތުން ވަނީ އިސްތިއުނާފްކޮށްފައެވެ. ހައިކޯޓުގައި ކުރައަށް ގެންދިޔަ ނާޒިމްގެ އިސްތިއުނާފް މައްސަލަ މެދުކަނޑާލާފައިވާތީ އޭނާ ގޭ ބަންދަށް ބަދަލުކޮށްދޭން އާއިލާ އިން ވަނީ ހޯމް މިނިސްޓްރީގައި އެދިފަ އެވެ.