ރާއްޖޭގައި މި އަހަރު ހުޅުވި ފުރަތަމަ ރިސޯޓް ހުޅުވައިފި އެވެ.
މި މަހުގެ ތެރޭގައި ހުޅުވާނެ ކަމަށް ކުރިން ވެސް އިއުލާންކޮށް މިދިޔަ އާދީއްތަ ދުވަހު ހުޅުވީ 82 ކޮޓަރީގެ ޖޭޑަބްލިއު މެރިއޮޓް ކާފު އެޓޯލް އައިލޭންޑް ރިސޯޓެވެ.
މިއީ މެރިއޮޓް އިންޓަނޭޝަނަލް އިން ރާއްޖޭގައި ހުޅުވި 8 ވަނަ ރިސޯޓެވެ.
އެ ކުންފުނިން ބުނީ ޖޭޑަބްލިއު މެރިއޮޓް ކާފު އެޓޯލް އައިލޭންޑް ރިސޯޓުން ބުނީ އެންމެ މަތީ ފަންތީގެ މި ލަގްޒަކީ ރިސޯޓަކީ ވަރަށް ހިތްގައިމު އަދި ޓޫރިސްޓުންނަށް ތަފާތު ގިނަ ހިދުމަތްތަކެއް ވެސް އެތަނުން ލިބޭނެ ކަމަށެވެ. އެގޮތުން ރިސޯޓްގައި ސްޕާތަކާއި ވެލްނެސް ސެންޓަރުތަކުގެ ހިދުމަތް ވަރަށް ފުޅާކޮށް ޓޫރިސްޓުންނަށް ފޯރުކޮށް ދޭނެ އެވެ.
ޖޭޑަބްލިއު މެރިއޮޓް ކާފު އެޓޯލް އައިލޭންޑް ރިސޯޓް ވާނީ ގުދުރަތީ ރީތިކަމާއި ހިތްގައިމުކަމާއި ހަމަހިމޭން މާހައުލެއް ގެނެސްދޭނެ ތަނަކަށް ވެސް ކަމަށް ކުންފުނިން ބުންޏެވެ.
މެރިއޮޓްގެ ޕްރޮޕަޓީތައް 73 ގައުމެއްގައި އަންނަނީ ހިންގަމުންނެވެ. އެގޮތުން އެ ކުންފުނީގެ ޕްރޮޕަޓީތަކުގެ އަދަދު މިހާރު 529 އަށް އަރަ އެވެ.