ނުކުޅެދުންތެރިކަން ހުންނަ މީހުންނަށް ޝާމިލްކުރަނިވި މާހައުލެއްގައި ހުނަރާއި ތަމްރީން ދޭން ހާއްސަކޮށްގެން ހަދަން ނިންމާފައިވާ "އެމްޕަވަރމަންޓް ހަބް" މި އަހަރު ނިންމައި ހުޅުވާ ގޮތަށް އެ ހަދަން ހަދަން އެއްބަސްވުމުގައި ސޮއިކޮށްފި އެވެ.
ސޯޝަލް އެންޑް ފެމިލީ މިނިސްޓްރީން އެއްބަސްވުން ހެދީ ފަހި ދިރިއުޅުން ކޯޕަރޭޝަނާ އެކުގަ އެވެ. މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު އަހުމަދު އާތިފެވެ.ފަހިދިރިއުޅުން ކޯޕަރޭޝަންގެ ފަރާތުން ސޮއިކުރެއްވީ މެނޭޖިން ޑިރެކްޓަރު ހަމްދާން ޝަކީލެވެ.
"'އެމްޕަވަމަންޓް ހަބް" ގެ ޚިދުމަތް އަމާޒުކުރަނީ 40-18 އަހަރާ ދެމެދުގެ މީހުންނަށެވެ.
މިތަނުގެ ބޭނުމަކީ ނުކުޅެދުންތެރިކަން ހުުންމަ ފަރާތްތައް ސްކޫލް މަރުހަލާ ފުރިހަމަކުރުމަށް ފަހު މުޖުތަމަޢުއަށް ނުކުންނަ އިރު އެ މީހުންގެ ބޭނުންތައް ދެނެގަނެ، އެ ފަރާތްތަކުގެ ހުނަރު ތަރައްޤީކުރުމާއި، މަސައްކަތުގެ ތަޖުރިބާ އާއި، އިޤްތިޞާދީ މިނިވަންކަމަށް މަގުފަހިކޮށް ދޭ ފުރުޞަތުތައް ހޯދައި ދިނުން ކަމަށް މިނިސްޓްރީން ބުންޏެވެ.
"އެމްޕަވަމަންޓް ހަބް" ހަދަން ނިންމާފައި ވަނީ ހުޅުމާލޭގެ ފޭސް ދޭއްގައި 5،500 އަކަފޫޓުގެ ބިމެއްގަ އެވެ. އެތަނުގައި ހުންނާނެ ބައިތަކުގެ ތެރޭގައި ހޮސްޕިޓަލިޓީ އަދި ކަލިނަރީ ތަމްރީނާއި މަސައްކަތުގެ ތަޖުރިބާ ފޯރުކޮށް ދިނުމަށްޓަކައި އިންކްލޫސިވް ކެފޭއަކާއި، ނުކުޅެދުންތެރިކަން ހުންނަ ފަރާތްތައް އުފައްދާ ތަފާތު ތަކެތި މާކެޓްކޮށް ވިއްކުމަށް ހާއްސަ ފިހާރައެއް ހިމެނެ އެވެ.
އެތަނުގައި ތަފާތު ޕްރޮގްރާމްތައް ހިންގުމަށް ހަބްގައި ތިން ވޯކްޝޮޕާއި ކޮމްޕިއުޓަރާއި އިންފޮމޭޝަން ޓެކްނޮލޮޖީގެ ތަމްރީން ދޭ ބައެއް ވެސް ހިމެނޭނެ އެވެ. ހުންނާނެކަމަށްވެސް އިޖްތިމާޢީ އަދި ޢާއިލީ ތަރައްގީއާ ބެހޭ ވުޒާރާއިން ހާމަކުރައްވައެވެ.