ސަރުކާރުގެ މަސް ކުންފުނި، މިފްކޯ އަށް ގާނޫނީ މަސައްކަތްތަކެއްކޮށް ދޭނެ ލޯ ފާމެއް ހޯދަން ބީލަމަށް ހުޅުވާލައިފި އެވެ.
އެ ކުންފުނިން ބުނީ ޝައުގުވެރިވާ ކުންފުނިތަކަށް ބީލަން ހުށަހެޅުމުގެ ފުރުސަތު މި މަހުގެ 20 އާ ހަމައަށް ހުޅުވާލާފައިވާ ކަމަށެވެ. މި ބީލަމުގައި ބައިވެރިވާން ރަޖިސްޓްރީވުމުގެ ފުރުސަތު ހުޅުވާލާފައި ވަނީ 20 ވަނަ ދުވަހުގެ މެންދުރު ފަހު 1:00 އާ ހަމައަށެވެ. ރަޖިސްޓްރީވާނީ މި މެއިލް bid@mifco.mv މެދުވެރިކޮށެވެ.
ބީލަން ހުށަހެޅުމާއި ބަލައި ގަންނާނީ މި މެއިލް contract@mifco.mv މެދުވެރިކޮށް 20 ވަނަ ދުވަހުގެ މެންދުރު ފަހު 2:30 ގެ ކުރިންނެވެ. އަދި 2:35 ބައި ބީލަން ހުށަހެޅި ފަރާތްތަކާ އެކު ޓީމްސް މެދުވެރިކޮށް ބީލަންތައް ހުޅުވާނެ އެވެ.
މިކަމާ ބެހޭ އިތުރު މައުލޫމާތު މި ނަމްބަރު 7577799 އިން ހޯދޭނެ އެވެ.