ކުރިއަށް އޮތް ރޯދަ މަހުގެ ތެރޭގައި އިސްލާމިކް މިނިސްޓްރީން އިންތިޒާމުކޮށްގެން ބާއްވަން ހަމަޖެހިފައިވާ ބަންގި ގޮވުމުގެ މުބާރާތުގެ އޮޑިޝަން އަންނަ މަހު ބާއްވަން ނިންމައިފި އެވެ.
މިނިސްޓްރީން ބުނީ "ނޫރުލް އަޛާން 1446" ގެ ނަމުގައި ބާއްވާ މުބާރާތުގެ އޮޑިޝަން ކުރިއަށް ގެންދާނީ އަންނަ މަހުގެ 11 ގައި ކަމަށެވެ. އޮޑިޝަން ކުރިއަށް ދާނީ އެ ދުވަހުގެ ހަވީރު 4:00-6:00 އަށް އިސްލާމީ މަރުކަޒުގެ ހޯލުގަ އެވެ.
އެހެންވެ މާލެ އިން މުބާރާތުގައި ބައިވެރިވާން އެދި ފޯމް ހުށަހަޅާފައިވާ އުމުރުން 15-20 އަހަރާ ދެމެދުގެ ޒުވާނުން އޮޑިޝަނަށް އަންނަ މަހުގެ 11 ވަނަ ދުވަހުގެ ހަވީރު 15:45 އަށް އިސްލާމީ މަރުކަޒުގެ ޖަލްސާކުރާ މާލަމަށް ހާޒިރުވުމަށް މިނިސްޓްރީން އެދިފައިވެ އެވެ.
މިނިސްޓްރީން ބުނީ އޮޑިޝަނަށް ގަޑިއަށް ހާޒިރުނުވާ ފަރާތްތަކަށް މުބާރާތުގައި ބައިވެރިވުމަށް އިތުރު ފުރުސަތެއް ނުދޭނެ ކަމަށެވެ.
"ނޫރުލް އަޒާން 1446″ ގެ މަގުސަދަކީ ރީތިކޮށް ބަންގި ގޮވާ ޒުވާނުންތަކެއް އުފެއްދުމެވެ.