ސްރީ ލަންކާ އާއި ޗައިނާއާ ދެމެެދު ހަދާފައި އޮތް ކަރަންސީ ސްވޮފް އެގްރީމަންޓްގެ މުއްދަތު އާކޮށްފި އެވެ.
ދެ ގައުމުގެ މަރުކަޒީ ބޭންކްތައް ކަމަށްވާ ސެންޓްރަލް ބޭންކް އޮފް ސްރީ ލަންކާ އާއި ޕީޕަލްސް ބޭންކް އޮޗް ޗައިނާ އިން އެ އެއްބަސްވުން އާކުރީ އިތުރު ތިން އަހަރަށެވެ. ލަންކާ އާއި ޗައިނާއާ ދެމެދު ކަރަންސީ ސްވޮފް އެޕްގްރިމަންޓަކީ 2021 ގައި ސޮއިކުރި އެގްރިމަންޓެކެވެ.
އެ އެގްރިމަންޓްގައި އެއްބަސްވެފައިވާ ގޮތަށް އިތުރު ތިން އަހަރަށް މުއްދަތު އިރު، އާކުރި އިރު މީގެ ތެރެއިން ކުރެވޭ މާލީ މުއާމަލާތްތަކުގެ އަގު 10 ބިލިއަން ޔުއާން (1.4 ބިލިއަން) ޑޮލަރަށް އަރާނެ އެވެ.
ކަރަންސީ ސްވޮޕް އެގްރިމަންޓްގައި ލަންކާގެ މަރުކަޒީ ބޭންކްގެ ފަރާތުން ސޮއިކުރެއްވީ ގަވަރުނަރު ޑރ. ޕީ ނަންދަލާލް ވީރަސިންގެ އެވެ. ޗައިނާ މަރުކަޒީ ބޭންކްގެ ފަރާތުން ސޮއިކުރެއްވީ ގަވަރުނަރު ޕަން ގޮންގްޝެން އެވެ.
ލަންކާ އާއި ޗައިނާ އިން ކަރަންސީ ސްވޮޕް އެގްރިމަންޓް އާކުރި އިރު، މިދިޔަ ހަފުތާގައ ލަންކާގެ ރައީސް އަނޫރަ ކުމާރަ ޑިސަނަޔަކެ ޗައިނާ އަށް ހަތަރު ދުވަހުގެ ރަސްމީ ދަތުރެއް ވެސް ކުރައްވާފައިވެ އެވެ.
ލަންކާ އިން އަންނަނީ އެ ގައުމަށް 2022 އިން ފެށިގެން ދިމާވެފައި އޮތް މާލީ އަދި އިގުތިސާދީ ދަތިތަކުން އަރައިގަތުމަށް ގިނަ މަސައްކަތްތަކެއް މިހާރު ކުރަމުންނެވެ.