ޓިކްޓކް އެމެރިކާގައި ބޭނުން ނުކުރެވޭ ގޮތަށް ހެދިތާ 12 ވަރަކަށް ގަޑިއިރު ފަހުން އެ އެޕް އެ ގައުމުން އަލުން ބޭނުން ކުރެވޭ ގޮތަށް ހަދައިފި އެވެ.
އެމެރިކާގައި ޓިކްޓޮކް ބޭނުން ނުކުރެވޭ ގޮތަށް ހަދައި ގޫގުލް ޕްލޭ އާއި އެޕް ސްޓޯރުން ވެސް އެ ނަގާފައިވެ އެވެ. ނަމަވެސް މިހާރު ކުރިއެކޭ އެއްގޮތަށް އެމެރިކާގައި ޓިކްޓޮން ބޭނުން ކުރެވޭނެ އެވެ. އެ ފުރުސަތު ޗައިނާގެ ބައިޓްޑާންސުން ހިންގާ އެޕަށް ފަހިކޮށް ދެއްވީ މިއަދު އެމެރިކާގެ ރައީސްކަމާ ހަވާލުވެވަޑައިގަންނަވާ އިންތިހާބީ ރައީސް ޑޮނަލްޑް ޓްރަޕްމްގެ އެހީތެރިކަމާ އެކުގަ އެވެ.
އެކަމަށްޓަކައި ޓިކްޓޮކުން ޓްރަމްޕަށް ޝުކުރު އަދާކޮށް ބުނީ އެ އެޕް މިހާރު އެނބުރި އަތުވެއްޖެ އެވެ.
ޓިކްޓޮކަކީ އެމެރިކާގެ ގައުމީ ސަލާމަތަށް ހުރި ނުރައްކަލެއް ކަމަށް ބުނެ ޓިކްޓޮކް މަނާކުރަން އެ ގައުމުގެ ގާނޫނު ހަދާ މަޖިލީހުން ފާސްކުރި ބިލް ރައީސް ޖޯ ބައިޑެން ތަސްދީގު ކުރެއްވީ މިދިޔަ އަހަރުގެ އެޕްރީލްގަ އެވެ.
މެރިކާ އިން ތުހުމަތު ކުރާ ގޮތުގައި ޓިކްޓޮކަކީ ޗައިނާގެ ސަރުކާރަށް ޖާސޫސްކޮށްދޭ އެޕެކެވެ. އަދި އެ އެޕް ބޭނުންކުރާ އެމެރިކާ އެމީހުންގެ ޒާތީ މައުލޫމާތު ޓިކްޓޮކުން ނަހަމަ ގޮތުގައި ބޭނުން ކުރާ ކަމަށާއި، އެހެންވެ އެ އެޕަކީ އެމެރިކާގެ ގައުމީ ސަލާމަތަށް އޮތް އޮތް ނުރައްކަލެއް ކަމމަށް އެމެރިކާ އިން ބުނެ އެވެ.
ނަމަވެސް މި ތުހުމަތުތައް ތަކުރާރުކޮށް ޓިކްޓޮލުން ދޮގުކުރެ އެވެ.
އެމެރިކާ އިން މަޖުބޫރު ކުރަނީ އެ އެޕް އެމެރިކާފައު ހިންގަން ބޭނުން ނަމަ އޭގެ އެމެރިކާގެ އޮޕަރޭޝަންސް އެ ގައުމުގެ ބަޔަކަށް ވިއްކައިލުމަށެވެ.
ޓިކްޓޮކް ބޭނުންކުރާ އެމެރިކާގެ މީހުންގެ 170 މިލިއަނަށް ވުރެ ގިނަ އެވެ.