މީޑިއާނެޓްގެ އެމްއެސް ވީޑިއޯ ކުލަބުން ގެނެސްދޭން ތައްޔާރުވަމުން އަންނަ އާ ސީރީޒް "ހިންތާ" މި މަހުގެ 30 ގައި ޕްރީމިއާކުރަން ނިންމައި އޭގެ ޕޯސްޓަރެއް ވެސް ދައްކާލައިފި އެވެ.
މިއީ އަންހެން ކެރެކްޓާއެއްގެ ވަށައިގެން އެނބުރޭ ވާހަކައެއް ކިޔައި ދޭނެ އެއްޗެކެވެ.
"ހިންތާ" ގެ ޓީޒާއެއް ވެސް މިދިޔަ މަހުގެ ތެރޭގައި ދައްކާލާފައި އިރު، މިއީ ޝައުގުވެރި ހާދިސާތަކެއް ދައްކުވައި ދޭނެ ސީރީޒެއް ކަމަށް ބެލެވެ އެވެ. މީގެ ޑައިރެކްޓަރަކީ ބެލުންތެރިންގެ ވަރަށް ބޮޑު މަގުބޫލު ކަމެއް ފިލްމު "ވިޝްކާ" ޑައިރެކްޓްކޮށް، ކުޅުނު އެކްޓަރު ރަވީ ފާރޫގެވެ.
މި ސޯރީޒަކީ އަހުމަދު ޒަރީރުގެ ސްކްރީންޕްލޭއަކަށް ހަދާފައިވާ އެއްޗެކެވެ. އޭނަ އަކީ މީޑިއާނެޓުން ގެނެސްދިން މަގުބޫލު ސީރީޒް "ގަރީނާ" ވެސް ސްކްރީން ރައިޓަރެވެ.
"ހިންތާ" އާއި "ގަރީނާ" އަކީ ވެސް ޒަރީރުގެ އެއްކާފު ޕްރޮޑަކްޝަނާއި މީޑިއާނެޓްގެ ކޮލަބަރޭޝަނެކެވެ.
މީޑިއާނެޓުން އެންމެ ފަހުން ގެނެސްދޭން ފެށި އާ ސީރީޒަކީ މިދިޔަ މަހުގެ 30 ގައި ޕްރީމިއާކުރި ޑާކް ރެއިން އެންޓަޓައިންމަންޓްގެ 15 އެޕިސޯޑްގެ "ރޯލީމޭ" އެވެ.