އެމެރިކާގެ ރައީސް ކަމުގެ ހުވާ ޑޮނަލްޑް ޓްރަމްޕް އަދި އެގައުމުގެ ނައިބު ރައީސްކަމުގެ ހުވާ ޖޭޑީ ވޭންސް ކުރައްވައިފި އެވެ.
ޓްރަމްޕް ހުވާ ކުރެއްވީ އެމެރިކާގެ ގާނޫނު ހަދާ މަޖިލިސް، ކެޕިޓަލް ބިލްޑިންގެ އެތެރޭގައި މިއަދު ބޭއްވި ރަސްމިއްޔާތެއްގަ އެވެ. ޓްރަމްޕަށް ހުވާލައިދެއްވީ އެގައުމުގެ އުއްތަމަ ފަނޑިޔާރު ޖޯން ރޮބަޓްސް އެވެ.
އުމުރުފުޅުން 78 އަހަރުގެ ޓްރަމްޕަކީ އެމެރިކާގެ ރައީސްކަމުގެ މަގާމާއި ހަވާލުވެވަޑައިގެންނެވި 47 ވަނަ ފަރާތެވެ.
މި ރަސްމިއްޔާތުގައި އެމެރިކާގެ ރައީސްކަމުން ވަކިވެ ވަޑައިގެންނެވި ޖޯ ބައިޑެން އާއި ނައިބު ރައީސްކަމުން ވަކިވެ ވަޑައިގެންނެވި ކަމަލާ ހެރިސް ބައިވެރިވެވަޑައިގެންނެވި އެވެ. އަދި އެމެރިކާގެ ކުރީގެ ރައީސުން ވެސް މި ރަސްމިއްޔާތުގައި ބައިވެރިވެވަޑައިގެންނެވި އެވެ.
މިއީ ޓްރަމްޕްް އެމެރިކާގެ ރައީސްކަން ކުރައްވާ ދެވަނަ ފަހަރެވެ. އޭނަ އެމެރިކާގެ ރައީސްކަން ފުރަތަމަ ކުރެއްވ 2016-2020 އަށެވެ.