މިހާރު \ރާއްޖެއަށް ކުރަމުން ގެންދާ ހުޅަނގު މޫސުމުގެ ވިއްސާރައިގެ ސަބަބުން ދެކުނުގެ އަތޮޅުތަކަށް އުދައަރައިފާނެ ކަމަށް ބެލެވޭތީ ރީނދޫ އެލާރޓް ނެރެފިއެވެ.
އައްޑޫ ސިޓީގެ މޫސުން އާންމު ގޮތެއްގައި ރަގަނޅު ނަމަވެސް ދިޔަވަރު ބޮޑު ވަމުން ދާ ގަޑި ގަޑީގައި އުދަ އެރުމުގެ ފުރުސަތު ބޮޑު ކަމަށް މެޓް އޮފީހުން ވަނީ ބުނެފައެވެ.
މެޓް އޮފީހުން ބުނެފައިވާ ގޮތުގައި އައްޑޫ އަށް ދިޔަވަރު އެންމެ ބޮޑުވާނީ މެންދުރު 1:26 ހާއިރާއި މިރޭ 1:24 ހާއިރެވެ. މި ގަޑުތަކުގައި އުދަ އެރުން އެކަށީގެންވާކަމަށް މެޓުން ބުނެއެވެ.
ރާއްޖެއަށް މިހާރު މިކުރަމުން ދާ ވިއްސާރައިގައި މާލެ އަށް އުދަ އަރައި މާލޭގެ ކެފޭ ތަކާއި ބައެއް ވެހިކަލް ތަކަށް ވަނީ ގެއްލުން ލިބިފައި އެވެ.