ރ. ހުޅުދުއްފާރުގައި، ބޭންކް އޮފް މޯލްޑިވްސް (ބީއެމްއެލް) އާއިގެ މޯލްޑިވްސް އިސްލާމިކް ބޭންކް (އެމްއައިބީ) ގެ އޭޓީއެމެއް ބެހެއްޓުމުގެ އެއްބަސްވުމުގައި ސޮއިކޮށްފި އެވެ.
މި އެއްބަސްވުންތަކުގައި ސޮއިކޮށްފައި ވަނީ ރައީސް ޑރ. މުހައްމަދު ރ. އަތޮޅަށް މިހާރު ކުރައްވަމުން ގެންދަވާ ޒިޔާރާތުގެ ތެރެއިން ހުޅުދުއްފާރު ރައްޔިތުންނާ ކުރެއްވެވި ބައްދަލުވުމުގެ ތެރެއިންނެވެ.
ހުޅުދުއްފާރު ކައުންސިލުގެ ފަރާތުން އެއްބަސްވުންތަކުައި ސޮއިކުރެއްވީ، އެ ރަށު ކައުންސިލުގެ ރައީސް މުހައްމަދު އާތިފެވެ.
ބީއެމްއެލްގެ ފަރާތުން ސޮއި ކުރެއްވީ، އެ ބޭންކުގެ ޑިރެކްޓަ އޮފް ރީޓެއިލް އެންޑް އެސްއެމްއީ ބޭންކިން ބަދުރުއްދީން ހަސަނެވެ. އެމްއައިބީގެ ފަރާތުން ސޮއިކުރެއްވީ ބޭންކުގެ މެނޭޖިންގް ޑިރެކްޓަރު މުފައްދަލް އިދްރީސް ޚުމްރީ އެވެ.
ރާއްޖޭގެ ހުރިހާ ރަށެއްގައި އޭޓީއެމް ބެހެއްޓުމަކީ ސަރުކާރުގެ އަމާޒެކެވެ. އެގޮތުން އިއްޔެ ރ. ވާދު އާއި ރަސްގެތީމުގެ އިތުރުން އަނގޮޅިތީމުގައި ވެސް އޭޓީއެމް ބެހެއްޓުމުގެ އެއްބަސްވުމުން ހަދާފައިވެ އެވެ.