ބޮލީވުޑްގެ އެކްޓަރު ސަނީ ޑިއޯލްގެ އާ ފިލްމު "ޖާޓް" މި އަހަރުގެ އެޕްރީލް 10 ގައި ސިނަމާތަކަށް ގެންނަން ނިންމައިފި އެވެ.
ޝޫޓިން ނިންމާލައި މިހާރު ޕޯސްޓް-ޕްރޮޑަކްޝަން މަރުހަލާގައި އޮތް މި ވަރުގަދަ އެކްޝަން ތުރިލާގެ ޓީޒާ މިދިޔަ ޑިސެމްބަރު މަހުގެ ތެރޭގައި ދައްކާލާފައިވެ އެވެ.
ސަނީގެ ސިގްނޭޗާ ސްޓައިލްގައި ވަރުގަދަ އެކްޝަން ރޯލަކުން ފެންނާނެ "ޖާޓް" އަކީ ކުޅަދާނަ ތެލެގޫ ޑައިރެކްޓަރު ގޯޕީޗަންދު މަލިލޭނީ ޑައިރެކްޓްކޮށްފައިވާ ފިލްމެކެވެ. މީގެ ކާސްޓްގައި ރަންދީޕް ހޫޑާ، ސައްޔާމީ ކޭރް، ވިނީތު ކުމާރު ސިންގް، ރެޖީނާ ކެސަންޑްރާ އަދި އުޕެންދުރަ ލިމާޔޭ ހިމެނެ އެވެ.
ޖުމްލަ 100 ކްރޯޑް ރުޕީސް (12 މިލިއަން ޑޮލަރު) ގެ ބަޖެޓަކުން ހަދާފައިވާ "ޖާޓް" އަކީ 2023 ގެ "ގަދަރު 2" އަށް ފަހު ބެލުންތެރިންނާ ހަމައަށް އަންނަ ސަނީގެ ފުރަތަމަ ފިލްމެވެ. މި އަހަރުގެ އޭނަގެ އިތުރު ފިލްމެއް ރިލީޒްކުރާނެ އެވެ. އެއީ އާމިރު ޚާން ޕްރޮޑިއުސްކޮށް، ރާޖްކުމާރު ސަންތޯޝީ ޑައިރެކްޓްކޮށްފައިވާ "ލާހޯރް، 1947" އެވެ.
ސިނަމާތަކަށް ގެންނާނީ އަންނަ އަހަރުގެ އެޕްރީލް މަހުގެ ތެރޭގަ އެވެ. އެކަމަކު އަދި ސީދާ ވަކި ތާރީހެއް ނުނިންމަ އެވެ.
ސަނީ، 67، ގެ ކުރިއަށް ހުރި ފިލްމުތަކުގެ ތެރޭގައި "ބޯޑާ 2" އަދި "ރާމާޔަން" ވެސް ހިމެނެ އެވެ.