ކޮންމެ ހޮނިހިރު ދުވަހެއްގައި ވެސް މާލެ ސަރަހައްދުން ޕާސްޕޯޓް ދޫކުރަން ނިންމައިފި އެވެ.
އިމިގްރޭޝަނުން ބުނީ ހޮނިހިރު ދުވަހަކީ ރަސްމީ ބަންދު ދުވަހަކަށް ވިޔަސް މާދަމާ އިން ފެށިގެން މާލެ ސަރަހައްދުގައި ހިމެނޭ އިމިގްރޭޝަންގެ ތިން އޮފީހަކުން ކޮންމެ ހޮނިހިރު ދުވަހަކު ވެސް ޕާސްޕޯޓު ދޫކުރުމަށް ނިންމާފައިވާ ކަމަށެވެ.
އެއީ މާލެ އާއި ހުޅުމާލެ ފޭސް އެކަކާއި ދޭއްގެ އޮފީހުންނެވެ.
އެތަންތަނުން ހޮނިހިރު ދުވަހު ޕާސްޕޯޓް ދޫކުރަނީ ހެނދުނު 9:00 އިން މެންދުރު 12:00 އާ ކަމަށެވެ.