ރާއްޖޭގެ ލޯކަލް ޓޫރިޒަމް ޕްރޮމޯޓްކުރަން ކައުންސިލްތަކަަށް ހުޅުވާލައިގެން ތައިލޭންޑްގައި "މޯލްޑިވްސް ޑެސްޓިނޭޝަން ރޯޑްޝޯ" ކުރިއަށް އެބަދެ އެވެ.
ބެންކޮކްގައި މި ހަރަކާތް ފެށީ އިއްޔެ އެވެ. އަދި މި ރޯޑްޝޯ މާދަމާގެ ނިޔަލަށް ކުރިއަށް ގެންދާނެ އެވެެ. އެމްއައި އެޑްވަޓައިޒިން އިން އިންތިޒާމުކޮށްގެން ކުރިއަށް ގެންދާ ރޯޑްޝޯގައި 16 ސްޓޯލް ބަހައްޓާފައިވާ އިރު 60 ޑެލިގޭޓުން ބައިވެރިވެ އެވެ.
"މޯލްޑިވްސް ޑެސްޓިނޭޝަން ރޯޑްޝޯ" ގައި ބައިވެރިވި ކައުންސިލްތަކުގެ ތެރޭގައި އައްޑޫ ސިޓީ ކައުންސިލުން ވެސް ބައިވެރިވެ އެވެ.
މި ރޯޑްޝޯ އަށް ތައިލޭންޑްގައި ހުންނަވާ ރާއްޖޭގެ ސަފީރު ފުއާދު ތައުފީގު މިއަދު ޒިޔާރަތް ކުރައްވައި، އިވެންޓްގައި ބައިވެތިރިވާ ފަރާތްތަކާ ބައްދަލު ވެސް ކުރައްވާފައިވެ އެވެ.
މި ރޯޑްޝޯ އަކީ ރާއްޖޭގެ ލޯކަލް ޓޫރިޒަމް އިޝްތިހާރުކޮށް، ޕްރޮމޯޓްކުރަން ކައުންސިލްތަކަށް ހާއްސަކޮށްގެން ރާއްޖޭގައި ބާއްވާ މިފަދަ ފުރަތަމަ އިވެންޓެވެ.