ރާއްޖެ އާއި އިންޑިއާއާ ދެމެދު ޒަމާންވީ ބަދަހި ގުޅުމެއް ކަމަށާއި އެ ގުޅުން އެ ގޮތުގައި ދަމަހައްޓަން މަސައްކަތް ކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
އެ މަނިކުފާނު އެގޮތަށް ވިދާޅުވީ މިއަދު ފާހަގަ ކުރަމުން އަންނަ އިންޑިއާގެ 76 ވަނަ ޖުމްހޫރީ ދުވަހާ ގުޅިގެން އެ ގައުމުގެ ބޮޑުވަޒީރު ނަރެންދުރަ މޯދި އާއި ރައީސް ދުރޯޕަޅީ މުރްމުރް އަށް ސޯޝަލް މީޑިއާގައި ފޮނުއްވި ތަހުނިޔާގެ މެސެޖްގަ އެވެ.
އެ މެސެޖްގައި ރައީސް ވިދާޅުވީ ދެ ގައުމުގެ މެދުގައި އޮތް ގުޅުމަކީ އިތުބާރާއި އިހުތިރާމާއި އެހީތެރިވުމުގެ މައްޗަށް ބިނާވެފައި އޮތް ގުޅުމެއް ކަމަށެވެ. އެކަން ދިވެހިންނާއި ދިވެހި ގައުމު އަބަދު ވެސް ދަންނާނެ ކަމަށެވެ.
On the joyous occasion of the Republic Day of #India, I convey my heartfelt greetings and best wishes to President @rashtrapatibhvn, Prime Minister @narendramodi, the Government and people of India. Maldives will always cherish the strong bonds of friendship and cooperation we…
— Dr Mohamed Muizzu (@MMuizzu) January 26, 2025
"އަދި މި ގުޅުން އިތުރަށް ބަދަހިކޮށް ދެ ގައުމުގެ މަސްލަހަތާ އެއްގޮތަށް މަސައްކަތް ކުރުމުގައި ސާބިތުވެ ހުންނާނަން." ރައީސް ވިދާޅުވި އެވެ.
މިދިޔަ އަހަރު ރައީސް އިންޑިއާ އަށް ރަސްމީ ދަތުރެއް ވެސް ކުރައްވާފައިވެ އެވެ.