އަންނަ ހުކުރު ދުވަހު އެމްޑީޕީން މާލޭގައި "ފުދިއްޖެ، ފުނޑިއްޖެ" ގެ ނަމުގައި ބޮޑު އެއްވުން ބާއްވާ ގަޑި ބަދަލުވެއްޖެ އެވެ.
ކުރިން އެ އެއްވުން ބާއްވަން ހަމަޖައްސާފައި އޮތީ ހުކުރު ދުވަހު ހަވީރު 4:00 ގައި އާޓިފިޝަލް ބީޗްގަ އެވެ. ނަމަވެސް އެއްވުން މިހާރު ވަނީ އެ ރޭ 8:00 އަށް ބަދަލުކޮށްފަ އެވެ.
މިހާރުގެ ސަރުކާރާ ދެކޮޅަށް އަޑު އުފުލަން ބާއްވާ މި އެއްވުމަށް އެމްޑީޕީން ތައްޔާރުވަމުން އަންނަތާ ދުވަސްތަކެއްވެފައިވާ އިރު، މީގައި ވީހާ ވެސް ގިނަ ބަޔަކު ބައިވެރިވާން އެ ޕާޓީން އެދެ އެވެ.