އައްޑޫ ހަންކެޑެ ބްރިޖު އާއްމުންނަށް ހުޅުވާލައިފި އެވެ.
ހަންކެޑެ ބްރިޖު އާއްމުންނަށް ހުޅުވާލާފައިވަނީ ރޭ ދަންވަރު 12 އިން ފެށިގެންނެވެ.
ބްރިޖް ނިމި ގިނަ ދުވަސްތަކެއްވި ނަމަވެސް އެތަން ނުހުޅުވައި ގިނަ ދުވަސްތަކެއް ވެފައިވާތީ އައްޑޫ ސިޓީ ކައުންސިލާއި އާންމުން ވެސް ކަންބޮޑުވުން ފާޅު ކުރަމުން ގޮސްފައިވެ އެވެ.
މި ބްރިޖަކީ އިންޑިއާގެ ސަރުކާރުގެ އެހީގައި ކުރިއަށް ގެންދާ އައްޑޫ މަގު ހެދުމުގެ ޕްރޮޖެކްޓްގެ ތެރެއިން ހަދާފައުވާ ބްރިޖެކެވެ. މި ބްރިޖުގެ މަސައްކަތް ކޮށްފައިވަނީ އިންޑިއާގެ އެފްކޮންސް އިންފްރާސްޓްރަކްޗާއިންނެވެ. މި ބްރިޖް ހެދުމުގެ އަމަލީ މަސައްކަތް އެފްކޮންސް އިން ފެށީ 2021 ގަ އެވެ.
ހަންކެޑެ އާ ބްރިޖަކީ އިންޓަރަގްރޭޓެޑް ޓޫރިޒަމަށް ހަންކެޑެ އެތަން ތަރައްގީ ކުރަން ނިންމާފައިވާތީ އެ ރަށުގެ ބިމަށް ޖާގަ ހޯދުމުގެ ގޮތުން ލިންކް ރޯޑްގެ ތެރެއިން ހަންކެޑެ އާއި ގައުކެނޑިއާ ދެމެދު މިހާރު އޮތް ބަރިޖްގެ ބަދަލުގައި ހެދި ބްރިޖެކެވެ. އަދި އާ ބްރިޖް މިހާރު އޮތީ ގައުކެނޑި އާއި މަރަދޫ ބޮޑުމަގުގެ ކޮޅުން ގުޅޭ ގޮތަށެވެ.
ހަތަރު ލޭން ހިމެނޭ މި ބްރިޖަކީ ގާތްގަނޑަކަށް 1.4 ކިލޯމީޓަރު ދިގު ބްރިޖެކެވެ.