ހިތަދޫގެ ނަރުދަމާ ނިޒާމުގެ މަސައްކަތާ ގުޅޭ ގޮތުން މިހާރު ކުރަމުން ގެންދާ ސާވޭ މިއަދުގެ ނިޔަލަށް ނިމޭނެ ކަމަށް މޯލްޑިވްސް ވޯޓަ އެންޑް ސްވަރެޖް ކޮމްޕެނީ (އެމްޑަބްލިއުއެސްސީ) އިން ބުނެފިއެވެ.
އެމްޑަބްލިއުއެސްސީ 'އައްޑޫލައިވް' އަށް މައުލޫމާތު ދެމުން ބުނިގޮތުގައި ސާވޭ ކޮށް ނިމުމުން ހިތަދޫ އުތުރު އަދި ދެކުނު ދާއިރާގައި ނަރުދަމާ އަޅާނެ ޑިޒައިނެއް އެ ދިރާސާގެ ނަތީޖާގެ އަލީގައި އެނގިގެންދާނެ ކަމަށެވެ.
މައުލޫމާތު ލިބިފައިވާ ގޮތުގައި މި ވަގުތު އެމް.ޑަބްލިއު.އެސްސީގެ ޓީމުން ކުރަމުންގެންދާ ސާރވޭގައި ބަލަނީ އުތުރާއި ދެކުނު ސަރަހައްދުގައި އަޅާ ނަރުދަމާ، ގްރެވިޓީ ފްލޯ އެއް ގޮތަށް އެޅުމުގެ ފުރުސަތު އޮތްތޯ އެވެ.
ހިތަދޫގެ މެދު ދާއިރާގެ ބޮޑުބައެއްގައި މިވަގުތު ނަރުދަމާގެ ނެޓްވޯރކް ވަނީ އަޅައި ނިންމާފައެވެ. ނަމަވެސް އެ ނެޓްވޯރކްއަކީ ވެކިއުމް ސިސްޓަމެކެވެ. މެދުދާއިރާގެ ނަރުދަމާ ނިޒާމުގެ ނުނިމި އޮތްބައި ނިންމުމަށް 12 މިލިއަން ރުފިޔާ އަށް ފެނަކަ ކޯޕަރޭޝަނާ ހަވާލުކޮށްފައި ވަނީ މިދިޔަ އަހަރުގެ ޖޫން މަހު ތެރޭގައެވެ.