އަންނަ މަހުގެ ނުވަ ވަނަ ދުވަހު ނޯވޭގެ ކުންފުންޏަކުން ރާއްޖޭގައި ތެލާ ބެހޭ ތަފްސީލީ ދިރާސާއެއް ކުރުމުގެ ޕްރޮޕޯސަލް ހުށަހެޅުމަށް، އަންނާނެ ކަަމަށް މިނިސްޓަރު ޑރ. މުހައްމަދު ޝައިނީ ވިދާޅުވެއްޖެއެވެ.
ވެލާނާގޭގައި އިއްޔެ ބޭއްވި ޕްރެސްކޮންފަރެންސެއްގައި މިނިސްޓަރު ޑރ. ޝައިނީ ވިދާޅުވީ ރާއްޖޭގައި ތެޔޮހުރިކަމުގެ ހެކިތައް ފެނިފައިވާތީ އެކަމާއި ބެހޭ ތަފްސީލީ ދިރާސާއެއް ކުރުމަށް އިނގިތރޭސިވިލާތުގެ ޒިބްރާ ޑާޓާ ސައިންސަސް ކުންފުންޏާއި ނޯވޭގެ ކުންފުންޏަކުން ޝައުގުވެރިކަން ފާޅުކޮށްފައިވާކަމަށެވެ.
މިނިސްޓަރު ޑރ. ޝައިނީ ވިދާޅުވީ ތެޔޮހުރިތޯ ބެލުމުގެ ތަފްސީލީ ދިރާސާ ހަވާލުކުރާނީ އެ ދެ ފަރާތުގެ ތެރެއިން އެއްމެ ރަނަގަޅު ފަރާތަކާ ކަަމަށާއި ބަލާ ސަރަހައްދުން ތެޔޮ ނުފެނިއްޖެއްޔާ އެހެން ސަރަހައްދުތައް ވެސް ބަލާނެ ކަމަށެވެ.
ރާއްޖޭގައި ތެޔޮހުރިތޯ ބެލުމަށް ޝައުގުވެރިވާ އިނގިރޭސިވިލާތުގެ ކުންފުންޏަކުން ވަނީ މިމަހުގެ ތެރޭގައި ރާއްޖެ ޒިޔާރަތްކޮށް ޕްރޮޕޯސަލެއް ހުށަހަޅާފައެވެ.