ކުޑަ އިންތިހާބެއް ކާމިޔާބު ކުރަން ވެސް ސަރުކާރުން ފައިސާ އާއި ވަޒީފާތައް ބެހި ކަމަށް، އައްޑޫ މީދޫ ދާއިރާގެ މެންބަރު އަބްދުލް ރަހުމާން (އައްދު) ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި އައްދު ވިދާޅުވީ މުޅި ދައުލަތް އަރިކޮށް އޮއްސާ، ހުރިހާ ވެރިންނާއި މަޖިލިސް މެންބަރުން އިއްޔެ ބޭއްވި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަނެއް ކާމިޔާބު ކުރުމަށް ކުރި މަސައްކަތް ފެނިފައި އަންތަރީސް ވެއްޖެ ކަމަށެވެ. އެ ބައި އިލެކްޝަންތަކާއި ދިމާކޮށް ޕްރޮޖެކްޓް ތަކާއި ފާއިސާ އަދި ވަޒީފާ ބެހި ކަމަށް އައްދު ތުހުމަތު ކުރެއްވި އެވެ.
"ގިނަ ގިނައިން އިންތިހާބު ބާއްވަންވީ. އެންމެ ބޮޑު ދެ އިންތިހާބު އެއްކުރީމަ ދައުލަތަކަށް ނޫން ހަރަދު ކުޑަވާނީ. ވެރިކަން ކުރާ ޕާޓީއަށް ހަރަދު ކުޑަވަނީ،" އައްދު ވިދާޅުވި އެވެ.
އަޅުގަނޑު ހަމަ އަންތަރީސް ވެއްޖެ މުޅި ދައުލަތް އަރިކޮށް އޮއްސާ، ހުރިހާ ވެރިންނާއި މަޖްލިސް މެންބަރުން އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަނެއް ކާމިޔާބު ކުރުމަށް ކުރައްވާ މަސައްކަތްޕުޅު ފެނިފަ. ޕްރޮޖެކްޓް ތަކާއި ފާއިސާ އަދި ވަޒީފާ ބަހާ، މި އޮތް ކުޑަ…
— Abdul Rahman (@MpAhdhu) February 8, 2025
އިލެކްޝަންސް ކޮމިޝަނުގެ ވަގުތީ ނަތީޖާތައް ދައްކާ ގޮތުން އިއްޔެ ބޭއްވި ބައިލެކްޝަނުގައި 12 ގޮނޑީގެ ތެރެއިން 9 ގޮނޑި ކާމިޔާބު ކުރީ ޕީއެންސީންނެވެ. އިދިކޮޅު އެމްޑީޕީ އަށް ކާމިޔާބު ކުރެވުނީ ދެ ގޮނޑި ކަމަށްވާއިރު، އަމިއްލަ ގޮތުން ވާދަކުރި ދެ މީހަކު ވެސް އިންތިހާބު ކާމިޔާބުކުރި އެވެ.
މި ބައި އިލެކްޝަންތަކުގެ ކެމްޕޭނަށް ވަޒީރުންނާއި މަޖިލިސް މެމްބަރުންގެ އިތުރުން ކުންފުނިތަކުގެ ވެރިން އެކި ރަށްތަކަށް ވަޑައިގެން ކެމްޕޭނުގެ މަސައްކަތުގައި ހަރަކާތްތެރިވެފައިވެ އެވެ.