ހުޅުމީދޫގެ ހަތަރު މަގެއްގައި ގާ އަޅައިގެން ރަގަޅު ފެންވަރަކަށް ހެދުމުގެ މަސައްކަތް ފެށުމަށް ވާންޖެހޭ އެންމެ ފަހުގެ ތައްޔާރީތައް ވަމުން އަންނަކަމަށް އެމްއާރްޑީސީ އިން ބުނެފިއެވެ.
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) ގެ އޮފިޝަލަކު 'އައްޑޫލައިވް' އަށް މައުލޫމާތު ދެމުން ވިދާޅުވީ ގާ އަތުރައިގެން ރަނގަޅު ފެންވަަރަކަށް ހަދާ މަގުތަކުގެ އަމަލީ މަސައްކަތްތައް ފެށުމަށް މިހާރު ތައްޔާރުވަމުން އަންނަ ކަމަށެވެ.
އެމްއާރްޑީސީގެ އޮފިޝަލް ވިދާޅުވިގޮތުގައި މަގުތަކުގައި ގާ އަތުރައިގެން ހަދާނީ ފެން ހިންދާ ނިޒާމް ވެސް ބަހައްޓައިގެން ކަމަށެވެ.
ހުޅުމީދޫގެ މަގެއް އެންމެ ފުރަތަމަ ގާ އަތުރައިގެން ހަދާފައިވަނީ ސާކް ސަމިޓް ބާއްވަން 2011 ވަނަ އަހަރު ކުރީގެ ރައީސް މުހައްމަދު ނަޝީދުގެ ވެރިކަމުގެއެވެ. އަދި އޭގެ ފަހުން ރައީސް ޑ. މުހައްމަދު ވަހީދު ހަސަން މަނިކުގެ ވެރިކަމުގައި ވެސް އެ އަވަށުގެ އިތުރު މަގެއްގައި ގާ އަތުރައިގެން ހަދާފައިވެ އެވެ.