ހުޅުމާލެ ހޮސްޕިޓަލުގައި 30 އެނދުގެ ޑައިލިސިސް ސެންޓަރެއް ހަދަން ހަވާލުކޮށްފި އެވެ.
ތިން މަސް ދުވަހުގެ ތެރޭގައި ނިންމާ ގޮތަށް އެ މަސައްކަތް މާލެ ހޮސްޕިޓަލްސް ގްރޫޕްގެ ފަރާތުން އިއްޔެ ހަވާލުކުރީ މެޑްޓެކްއާ އެވެ.
މާލެ ހޮސްޕިޓަލްސް ގްރޫޕްގެ ފަރާތުން އެއްބަސްވުމުގައި ސޮއިކުރެއްވީ ސީއީއޯ އިބްރާހިމް އަބްދުއްރައްޒާގު ހަލީމެވެ. މެޑްޓެކްގެ ފަރާތުން ސޮއި ކުރެއްވީ ޗެއާމަން އަހުމަދު ހައިކަލް އެވެ.
Today, we officially signed the agreement for the establishment of a 30 bed Dialysis Center at HMH! With 90 days of civil works, this project is set to enhance dialysis services to meet the growing healthcare needs of the expanding Hulhumale’ population.#Medtech#Medcom pic.twitter.com/cP6HzfVykG
— Hulhumalé Hospital (@HMH_mv) February 18, 2025
މި އެއްބަސްވުމުގެ ދަށުން ޑައިލިސިސް ސެންޓަރު ހަދަން މެޑްޓެކަށް ސަރުކާރުން އެއްވެސް ފައިސާއެއް ނުދޭނެ އެވެ. އޭގެ ބަދަލުގައި، މެޑްޓެކަށް ދޭނީ މެޝިނަރީޒް ހިންގަން ބޭނުންކުރާ ރީއެޖެންޓު ގަންނާށެވެ.
ހުޅުމާލޭ ހޮސްޕިޓަލްފައި އާ ހިދުމަތްތައް ތައާރަފްކޮށް، ސަރުކާރުން އަންނަނީ އެތަން ހިންގަމުން އަންނަ ބިމުގައި 250 އެނދުގެ އާ ހޮސްޕިޓަލެއް އެޅުމުގެ މަސައްކަތް ވެސް ކުރަމުންނެވެ. އޭގެ އިތުރުން އެ ހޮސްޕިޓަލް މިހާރު ހިންގާ ހަ ބުރީގެ އިމާރާތާ އިންވެގެން 15 ބުރީގެ އާ އިމާރާތެއް ހަދައި، ހިދުމަތްތައް ޓާޝަރީ ފެންވަރަށް ބަދަލުކުރުމުގެ މަރުހަލާ ވެސް އޮތީ ފަށައިފަ އެވެ.
ޑައިލިސިސް އަކީ ކިޑްނީގެ ބަލީގެ މީހުންނަށް ދޭ ފަރުވާއެކެވެ.