ފޮރިން މިނިސްޓަރު ޑރ. އަބްދުﷲ ހަލީލު ސްރީލަންކާގައި ތިބި ދިވެހިންނާ ބައްދަލުކުރައްވައިފި އެވެ.
ލަންކާއަށް ކުރައްވާ ރަސްމީ ދަތުރުގެ ތެރެއިން ބޭއްވި މި ބައްދަލުވުމާ ގުޅޭގޮތުން އެކްސްގައި ކުރެއްވި ޕޯސްޓެއްގައި ހަލީލު ވިދާޅުވީ ލަންކާގައި ދިރިއުޅޭ ދިވެހިންނާ ބައްދަލުކޮށް ހިޔާލު ބަދަލުކޮށްލުމުގެ ފުރުސަތު ލިބުމުން އުފާކުރާ ކަމަށެވެ. މި ބައްދަލުވުމުގައި ބައިވެރިިވި ފަރާތްތަކުން ފާޅުކުރި ކަންބޮޑުވުންތަކަށް ސަރުކާރުން ހައްލު ހޯދައިދޭނެ ޔަގީންކަން ދީފައިވާ ކަމަށްވެސް ހަކީލު ވިދާޅުވި އެވެ.
Pleased to have an opportunity to interact with the Maldivian community in Sri Lanka. I noted the concerns raised by some of our citizens and conveyed our commitment to address any challenges faced by Maldivian community in Sri Lanka.
Sri Lanka generously hosts a large… pic.twitter.com/2xWjIA6B8g
— Abdulla Khaleel (@abkhaleel) February 20, 2025
ލަންކާގެ ހާރިޖީ ވަޒީރުގެ ދައުވަތަކަށް ހަލީލު ކުރައްވާ މި ދަތުރުގެ ތެރެއިން އެގައުމުގެ ރައީސް އަނުރަ ކުމާރަ ޑިސަނަޔަކައާ ވެސް ބައްދަލުކުރެއްވުމަށް ވަނީ ހަމަޖެހިފަ އެވެ.
ހަލީލު އިއްޔެ ވަނީ ލަންކާގެ ބޮޑުވަޒީރު ޑރ. ހަރިނީ އަމަރަސޫރިޔާއާ ބައްދަލުކުރައްވާފަ އެވެ. އަދި ލަންކާގެ ވިޔަފާރިވެރިންނާއި އިއްޔެ ބައްދަލުކޮށް ރާއްޖޭގައި ހުރި އިންވެސްޓްމެންޓް ފުރުސަތުތައް ވަނީ ހިއްސާކޮށްފަ އެވެ.