މީގެ ކުރިން އެއް ސީޒަނެއްގައި އެންމެ ގިނަ ގޯލު ޖަހައި ދުނިޔޭގެ ރެކޯޑް ގާއިމް ކޮށްފައިވާ ޖަރުމަނުގެ ގާޑް މުލާއަށް ބާސެލޯނާގެ މެސީ ހަދިޔާއެއްގެ ގޮތުގައި ސޮއި ކޮށްފައިވާ ޓީޝާޓެއް ފޮނުވައިފި އެވެ.
މިދިޔަ ސީޒަންގައި މެސީ ވަނީ 91 ގޯލް ޖަހައި މުލާގެ 85 ގޯލްގެ ރެކޯޑް މުގުރާލާފަ އެވެ. 1972 ވަނަ އަހަރުން ފެށިގެން 2012 އާއި ހަމަޔަށް މި ރެކޯޑް އޮތީ މުލާ އަތުގައެވެ. އޭނާ މި ރެކޯޑް ހަދާފައި ވަނީ ޖަރުމަންގެ ބަޔާން މިއުނިކަށް ކުޅެމުންނެވެ.
މެސީ ފޮނުވި މި ޓީޝާޓުގައި އެނާ ވަނީ މުލާ އަށް އިހުތިރާމުގެ ގޮތުން މެސެޖެއް ވެސް ލިޔެފައެވެ. އަދި މުލާ ބުނެފައި ވަނީ އޭނާ އަށް މި ޓީޝާޓު ލިބުމުން ވަރަށް އުފާވި ކަމަށާއި އަދި ދުނިޔޭގެ އެންމެ މޮޅު ކުޅުންތެރިޔާގެ ފަރާތުން މިފަދަ ހަދިޔާއެއް ލިބުނުކަމީ އޭނާގެ ހިތް ތިރިކަން ދައްކުވައިދޭ ކަމެއް ކަމަށެވެ.
މެސީ އަށް ވަނީ މިދިޔަ އަހަރުގެ ފީފާގެ މޮޅު ކުޅުންތެރިޔާގެ މަގާމުވެސް ލިބިފަ އެވެ. މިއީ އޭނާ އަށް ޖެހިޖެހިގެން މި މަގާމު ލިބުނު ހަތަރުވަނަ ފަހަރެވެ.