Last Updated: April 3, 22:50
Thursday, April 3, 2025
ޚަބަރު

އައްޑޫގައި ޑެންގީ އިތުރު، ސަމާލުވާން އެދިއްޖެ

އައްޑޫ ހޮސްޕިޓަލް ހިމެނޭ ސަރަހައްދު. ފޮޓޯ/ އަލީ ނާސިރު

އައްޑޫގައި ޑެންގީހުން ފެތުރުން އިތުރުވާތީ އެކަމަށް އާންމުން ސަމާލުވުމަށް އައްޑޫ އިކުއެޓޯރިއަލް ހޮސްޕިޓަލް އޭއީއެޗް) އިން އިލްތިމާސްކޮށްފިއެވެ.

އެ ހޮސްޕިޓަލުން ވަނީ މި ދުވަސްވަރަކީ އައްޑޫގައި ޑެންގީ ހުން ފެތުރޭ މިންވަރު އިތުރުވަމުންދާ ދުވަސްވަރެއް ކަމަށް އެ ހޮސްޕިޓަލުގެ ތަފާސްހިސާބުތަކުން ދައްކާ ކަމަށެވެ. އެގޮތުން މި މަހުގެ މިހާތަނަށް ޑެންގީގެ ހަތަރު ކޭސް ރިޕޯޓްކޮށްފައިވެ އެވެ.

އޭއީއެޗުން ބުނީ މިދިޔަ މަހު ތިން ކޭހެއް ރިޕޯޓުކޮށްފައި ވާއިރު މިދިޔަ އަހަރުގެ ޑިސެމްބަރު މަހުގައި ވެސް ޑެންގީގެ ކޭހެއް ރިޕޯޓްކުރި ކަމަށެވެ.

ޑެންގީ އަކީ މަދިރީގެ ޒަރީރާ އިން ޖެހޭ ބައްޔެކެވެ. އެ ބަލީގެ އަލާމަތްތަކުގެ ތެރޭގައި ހުން އައުމާއި ލޮލުގައި ރިއްސުމާއި ހަމުގައި ކުދިކުދި ރަތް ބިހި ނެގުމާއި ބޮލުގައި ރިއްސުމާއި އަދި އަނގައިގައި ރިއްސުން ހިމެނެ އެވެ

އޭއީއެޗުން ވަނީ ޑެންގީއން ރައްކާތެރިވުމަށް ކުރެވިދާނެ ކަންތައްތަކާއި ޑެންގީގެ އަލާމާތެއް ފެނިއްޖެނަމަ ކަންތައް ކުރަންވީ ގޮތުގެ ބައެއް އިރުޝާދުތައް ވެސް ހިއްސާކޮށްފަ އެވެ. އެގޮތުން ހުން ދަށްކުރުމަށް ޕެނެޑޯލް ނުވަތަ ޕެރެސެޓެމޯލްގެ އިތުރުން އެއްވެސް އިތުރު ބޭހެއް ބޭނުން ނުކުރުމާއި ގިނަގިނައިން ދިޔާތަކެތި ބޭނުންކުރުމުގެ އިތުރަށް ތިން ދުވަހަށް ވުރެ ގިނަ ދުވަހު ހުން ތިރިނުވެ ދިގުލައިގެން ގޮސްފިނަމަ ސިއްޚީ އެހީތެރިއެއްގެ ލަފަޔާއި އިރުޝާދު ހޯދައި އަރާމު ކުރުން ހިމެނެ އެވެ.
.