ކިޑްނީ ބަލީގެ މީހުންނަށް ދޭ ޑައިލިސްގެ ހިދުމަތް ހއ. އިހަވަންދޫގައި ރަސްމީކޮށް ދޭން ފަށައިފި އެވެ.
އެ ރަށު އާމިނާދިޔޯ ޞިއްޙީ މަޒުކަރުގައި ދޭ ޚިދުމަތް މިއަދު ފަށްޓަވައިދެއްވީ އެކަމަށްޓަކާ އިހަވަންދޫ ސްކޫލުގައި ބޭއްވި ޚާއްސަ ރަސްމިއްޔާތުގައި ފަސްޓްލޭޑީ ސާޖިދާ މުޙައްމަދެވެ.
އިހަވަންދޫގައި ޑައިލިސިސްގެ ޚިދުމަތް ފެށުމަކީ ރަައީސްގެ ވަޢުދުފުޅެކެވެ. ރަށުގައި މި ޚިދުމަތް ފައްޓަވާނެކަން ރައީސް ވަނީ އިޢުލާންކޮށްދެއްވާފައެވެ.
އާމިނާދިޔޯ ޞިއްޙީ މަޒުކަރުގައި ޑައިލިސިސްގެ ޚިދުމަތް ފެށުމަށް ބޭއްވި ރަސްމިއްޔާތުގައި ހެލްތު މިނިސްޓަރު ޢަބްދުﷲ ނާޒިމް އިބްރާހީމް ވިދާޅުވީ، އިހަވަންދޫގެ ތަރައްޤީއާ ކުރިއެރުމަށް މުއައްސަސާތަކުން ކުރަންޖެހޭ މަސައްކަތްތަކުގައި ސަރުކާރުން އެއްބާރުލުން ދެއްވާނެ ކަމަށެވެ.
ވަޒީރު ނާޡިމް ވިދާޅުވީ އިހަވަންދޫގެ އިތުރުން މިއަހަރުގެ ތެރޭގައި އިތުރު 9 ރަށެއްގައި ޑައިލިސިސްގެ ޚިދުމަތް ފެށިގެންދާނެ ކަމަށެވެ. އަދި އެކަމުގެ ތައްޔާރީތައް މިހާރުވެސް ކުރަމުން އަންނަ ކަމަށް ވިދާޅުވި އެވެ.
އިހަވަންދޫ އާމިނާދިޔޯ ޞިއްޙީ މަރުކަޒަކީ 24 ގަޑިއިރު ޚިދުމަތް ފޯރުކޮށްނދެމުންދާ ލެވެލް 4 ގެ ޞިއްޙީ މަރުކަޒެކެވެ. މި މަރުކަޒުގައި ޑައިލިސިސްގެ ޚިދުމަތް ފެށީ ތިން އެނދުގެ ޔުނިޓަކާއެކުގައެވެ. މީގެ ތެރެއިން އެއް އެނދު ޚާއްސަކޮށްފައި ވަނީ ޕޭޝަންޓުން އައިސޮލޭޓްކޮށްގެން ފަރުވާދޭން ޖެހިއްޖެ ޙާލަތެއްގައި ވެސް ބޭނުން ކުރެވޭ ގޮތަށެވެ.
ޑައިލިސިސްގެ ޚިދުމަތް ހޯދާ 9 މީހަކު އިހަވަންދޫގައި އި އެބތިއްބެވެ. މއޭގެ ތެރެއިން 6 މީހަކު ފަރުވާ ހޯދަމުން ދަނީ މާލެއިންނެވެ. އަނެއް ތން މީހުން މިހާތަނަށް ޚިދުމަތަށް ބަރޯސާވާން ޖެހެނީ އަތޮޅު ވެރިކަން ކުރާ ރަށް ދިއްދޫ ނުވަތަ ކުޅުދުއްފުއްޓަށެވެ.