ޕެޝަން ފުރްޓް ނުވަތަ ޖުމްހޫރީ މޭވާ ނުއަކީ ސައިޒުން ކުޑަ ނަމަވެސް ވިޓަމިންތަކުން މުއްސަނދި މޭވާއެކެވެ. ރާއްޖޭގައި ވެސް ހައްދާ އުޅޭ މި މޭވާއަކީ ސިއްޙަތަށް ބަލައިގެން އުޅޭ މީހުންގެ މެދުގައި މަޤުބޫލު މޭވާއެކެވެ. މިއީ ދުނިޔޭގެ ގިނަ ޤައުމުތަކުގައި ހައްދާ އުޅޭ އާންމު މޭވާއެކެވެ.
ޖޫސް ގިރުމަށާއި ޑެޒަޓްސް ހެދުމަށް ޕެޝަން ފުރުޓް ބޭނުން ކުރެވެ އެވެ.
ނިއުޓްރިއެންޓްސް:
ޖުމްހޫރީ މޭވާގައި ފައިބާ، ވިޓަމިން ސީ އަދި ވިޓަމިން އޭ އިން މުއްސަނދި މޭވާއެކެވެ. ދަނބުކުލައިގެ އެންމެ ޕެޝަން ފުރުޓެއްގައި 17 ކެލޮރީ ހުރެއެވެ. އެންމެ ޕެޝަން ފުރުޓަކުން މީހަކަށް ދުވާލަކަށް ބޭނުންވާ ވިޓަމިން ސީގެ 9 ޕަސަންޓް އަދި ވިޓަމިން އޭގެ 8 ޕަސަންޓް ލިބެ އެވެ. މީގެ އިތުރުން، އެއް ދުވަހަށް ބޭނުންވާ އަޔަން، ދަގަނޑު އަދި ޕޮޓޭސިއަމްގެ 2 ޕަސަންޓް އެންމެ ޕެޝަން ފުރުޓަކުން ލިބޭއިރު ދެ ގްރާމް ފައިބަ ލިބެ އެވެ.
ފައިދާތައް:
* ހަޖަމުކުރުމުގެ ނިޒާމު ހަރުދަނާކުރުން: ޖުމްހޫރީ މޭވާއަކީ ފައިބާ މުއްސަނދި މޭވާއެކެވެ. ފައިބާ އަކީ ހަޖަމުކުރުމުގެ ނިޒާމު ހަރުދަނާކޮށް ގޮހޮރު ދުޅަހެޔޮކޮށްދޭ މާއްދާއެކެވެ.
* ކޮލެސްޓްރޯލް ދަށްކުރުން: އެމެރިކަން ހާޓް އެސޯސިއޭޝަނުން ހާމަކުރި ގޮތުގައި ފައިބަރއަކީ ކޮލެސްޓްރޯލް ދަށްކޮށްދީ ހިތް ދުޅަހެޔޮކޮށްދޭ މާއްދާއެކެވެ.
* ލޭގައި ހަކުރުގެ މިންވަރު ބެލެހެއްޓުން: ޖުމްހޫރީ މޭވާގެ ސަބަބުން ހަޖަމުކުރުން ރަނގަޅުކޮށްދޭއިރު ލޭގައި ހަކުރު އެކުލެވޭ މިންވަރު މައްޗަށް ދިއުމުން ދުރުކޮށްދެއެވެ.
* ދިފާޢީ ނިޒާމު ވަރުގަދަކުރުން: ވިޓަމިން ސީ އިން މުއްސަނދި ޕެޝަން ފުރުޓަކީ ހަށިގަނޑުގެ ދިފާޢީ ނިޒާމު ވަރުގަދަކޮށްދޭ މޭވާއެކެވެ. މީގެ ސަބަބުން ބަލިތަކާ ދެކޮޅަށް ހަށިގަނޑު ކުރާ މަސައްކަތް ވަރުގަދަވެ ހަރުދަނާވެއެވެ.
* ހިތުގެ ދުޅަހެޔޮކަން: ޖުމްހޫރީ މޭވާއަކީ ހިތަށް ފައިދާ ހުރި ޕޮޓޭސިއަމް ހިމެނޭ، ސޯޑިއަމް މަދު މޭވާއެކެވެ. މީގެ އޮށްތަކުގައިވެސް ކޮލެސްޓްރޯލްގެ މިންވަރު ދަށްކޮށްދޭ މާއްދާތައް ހިމެނެއެވެ. ސޯޑިއަމް ދަށްވެ ޕޮޓޭސިއަމް މުއްސަނދިވުމަކީ ލޭގެ ޕްރެޝަރު ދަށްކޮށްދޭ ކަމެކެވެ.
* ހަކުރުބަލިން ރައްކާތެރިވުން: ޖުމްހޫރީ މޭވާއަކީ ހަކުރުބަލިން ދުރުކޮށްދިނުމަށް އެހީތެރިވެދޭ މޭވާއެކެވެ.
ރާއްޖޭގައި ވެސް ހައްދާ އުޅޭ މި މޭވާއަކީ ޖޫސް ގިރުމަށާއި ޑެޒަޓްސް ހެދުމަށް ބޭނުންކުރެވޭ މަޤުބޫލު މޭވާއެކެވެ. ސިއްޙަތަށް ބަލައިގެން އުޅޭ މީހުންގެ މެދުގައި މި މޭވާ މަޝްހޫރުވެފައި ވަނީ މީގެ ފައިދާތަކުގެ ސަބަބުންނެވެ. ޚާއްޞަކޮށް ހަކުރުބައްޔާއި ހިތުގެ ބަލިތަކުން ރައްކާތެރިވުމަށް މި މޭވާ ބޭނުންކު ރުމަކީ ފައިދާ ހުރި ކަމެކެވެ.
މައުލޫމާތު: އެގްރިކަލްޗަ މިނިސްޓްރީ