ފުވައްމުލަކު ހޮސްޕިޓަލަށް ހެލްތު މިނިސްޓްރީން ސީޓީ ސްކޭން މެޝިނެއް ފޮނުވައިފި އެވެ
އެ ހޮސްޕިޓަލުން ބުނީ މިއީ އެ ސިޓީން ދެމުން އަންނަ ސިއްޙީ ޚިދުމަތްތައް ރަނގަޅުކޮށް، ޒަމާނީ ފަރުވާ ދިނުމަށް ލިބުނު ވަރަށް ބޮޑު ކުރިއެރުމެއް ކަމަށެވެ. ސީޓީ ސްކޭން މެޝިނުގެ ފައިނަލް އިންސްޕެކްޝަން ވެސް މިހާރު ނިންމާފައިވާ އިރު، ވީހާ ވެސް އަވަހަކަށް ހިދުމަތް ފެށުމަށްޓަކައި ހެލްތު މިނިސްޓްރީގެ ޓީމަކާ ގުޅިގެން މަސައްކަތް ކުރަމުން އަންނަ ކަމަށް ވެސް ފުވައްމުލަކި ހޮސްޕިޓަލުން ބުންޏެވެ.
ނަމަވެސް ޚިދުމަތް ފަށާނެ އިރެއް އަދި ނުނިންމަ އެވެ.
ފުވައްމުލަކު ހޮސްޕިޓަލަށް ސީޓީ ސްކޭން މެޝިނެއް ގެންގޮސް ހިދުމަތް ދޭން ތައްޔާރުވާން ފަށާފައި މި ވަނީ އެ ހޮސްޕިޓަލްގެ ހިދުމަތްތަކާ މެދު އާންމުން މި ފަހަކަށް އައިސް ސޯޝަލް މީޑިއާގައި ވެސް ކަންބޮޑުވުން ވެސް ފާޅުކުރަމުން ދަނިކޮށެވެ.