މޫސުން ރަނގަޅުވާން ފެށުމުން މާލެ ސަރަހައްދުގައި ކަރަންޓު ބޭނުންކުރާ ނިސްބަތް އިތުރުވެފައިވާ ކަމަށް ސްޓެލްކޯ އިން މިއަދު ބުނެފި އެވެ.
ސްޓެލްކޯ އިން ބުނީ މޫސުން ރަނގަޅުވާން ފެށުމުގެ އިތުރުން އޮފީސްތައް ހުޅުވުމާއެކު، ރޯދަ މަހުގެ ތިން ވަނަ ދުވަހު މާލެއާއި، ހުޅުމާލޭގައި ކަރަންޓު ބޭނުން ކުރި މިންވަރު ފުރަތަމަ ދެދުވަހާ އަޅާ ބަލާއިރު އިތުރުވެފައިވާ ކަމަށެވެ.
އެގޮތުން އިއްޔެ އެންމެ ޕީކްގަޑީގައި 79 މެގަވޮޓްގެ ކަރަންޓް ބޭނުންކޮށްފައިވާ ކަމަށް ސްޓެލްކޯ އިން ބުނެ އެވެ.
މޫސުން ރަނގަޅުވާން ފެށުމުގެ އިތުރުން އޮފީސްތައް ހުޅުވުމާއެކު، ރޯދަ މަހުގެ ތިން ވަނަ ދުވަހު މާލެއާއި، ހުޅުމާލޭގައި ކަރަންޓު ބޭނުން ކުރި މިންވަރު ވަނީ ފުރަތަމަ ދެދުވަހާ އަޅާ ބަލާއިރު އިތުރުވެފައި. pic.twitter.com/a85mKxZrLG
— STELCO (@STELCOMALDIVES) March 4, 2025
ކަރަންޓު ކަނޑަން ނުޖެހޭ ވަރަށް ސްޓެލްކޯ އިން ރޯދައަށް ތައްޔާރުވެފައިވާއިރު، މިއަހަރުގެ ރޯދަ މަހުގެ ކަރަންޓު ބިލުން ވެސް 10 ޕަސެންޓުގެ ޑިސްކައުންޓެއް ދޭން ސަރުކާރުން ވަނީ ނިންމައިފަ އެވެ.