Last Updated: April 4, 22:44
Friday, April 4, 2025
ޚަބަރު

މާލޭގައި އިއްޔެ 92 މެގަވޮޓްގެ ކަރަންޓް ބޭނުންކުރި

މާލެ ސަރަހައްދުގައި ކަރަންޓު ބޭނުންކުރާ ނިސްބަތް ބޮޑުތަނުން އިއްޔެ އިތުރުވެއްޖެ އެވެ.

ސްޓެލްކޯ އިން ބުނީ މޫސުން ރަނގަޅުވުމާއެކު، ރޯދަމަހު ފުރަތަމަ ފަހަރަށް މިވަނީ މާލެއާއި، ހުޅުމާލޭގައި ކަރަންޓު ބޭނުން ކުރި މިންވަރު 92 މެގަވޮޓް ފަހަނާޅާފައިވާ ކަމަށެވެ.

ކުރިއަށް އޮތް ދުވަސްތަކުގައި ކަރަންޓު ބޭނުންކުރާ މިންވަރު އިތުރުވާނެ ކަމަށް ލަފާކުރެވޭ ކަމަށާއި އެހެން ކަމުން ކަރަންޓު އިގްތިސާދު ކުރުމަށް ހާއްސަ ސަމާލުކަމެއް ދިނުމަށް ސްޓެލްކޯ އިން ވަނީ އިލްތިމާސްކޮށްފަ އެވެ.

ކަރަންޓު ކަނޑަން ނުޖެހޭ ވަރަށް ސްޓެލްކޯ އިން ރޯދައަށް ތައްޔާރުވެފައިވާއިރު، މިއަހަރުގެ ރޯދަ މަހުގެ ކަރަންޓު ބިލުން ވެސް 10 ޕަސެންޓުގެ ޑިސްކައުންޓެއް ދޭން ސަރުކާރުން ވަނީ ނިންމައިފަ އެވެ.