އެސްޓީއޯއިން ކާށީގެ އިތުރު ޝިޕްމަންޓެއް މިރޭ ބާޒާރަށް ނެރެން ތައްޔާރުވެއްޖެ އެވެ.
އެސްޓީއޯ އިން ކާށި ވިއްކާނީ ކުރިންވެސް ވިއްކި އަގަށް ކިލޯއެއް 20 ރުފިޔާއަށެވެ.
ރޯދަ މަސް ފެށުނު ފަހުން ކާށީގެ އަގު މައްޗަށް ދާތީ އަގު ކޮންޓްރޯލް ކުރަން އެސްޓީއޯ އިން މިފަހުންވެސް ވަނީ ކާށި ޝިޕްމަންޓެއް އެތެރެކޮށް ވިއްކައިފަ އެވެ. ނަމަވެސް އެ ކާށި ހުސްވުމާއެކު މާލޭގެ ބާޒާރުގައި މިވަގުތު ކާއްޓެއްގެ އަގު އުޅެނީ 65 ރުފިޔާގަ އެވެ.
ކާށީގެ އަގު އުފުލުމުން އާންމުންގެ ޝަކުވާ ވަނީ އިންތިހާއަށް އިތުރުވެފަ އެވެ.