Last Updated: April 4, 17:40
Friday, April 4, 2025
ޚަބަރު

މިދިޔަ މަހު އައި ޓޫރިސްޓުން މަދު

މިދިޔަ މަހު ރާއްޖެ އައި ޓޫރިސްޓުންގެ އަދަދު މަދުވެއްޖެ އެވެ.

އިމިގްރޭޝަނުން އާންމު ކުރި ޓޫރިސްޓް އެރައިވަލްސްގެ ތަފާސްހިސާބުތައް ދައްކާ ގޮތުން މިދިޔަ މަހު ރާއްޖެ އައީ 214،091 ޓޫރިސްޓުންނެވެ. މިިދިޔަ އަހަރުގެ ފެބްރުއަރީ މަހު 217،391 ޓޫރިސްޓުން އަ އެވެ. އެހެންވެ މިއީ މިދިޔަ އަޅާ ބަލާ އިރު، 3،300 ޓޫރިސްޓުން ނުވަތަ 1.5 ޕަސެންޓްގެ މަދުވުމެކެވެ.

މި އަހަރުގެ ފުރަތަމަ ދެ މަހު ރާއްޖެ އަށް ޖުމްލަ 428،954 ޓޫރިސްޓުން އައިސްފައިވެ އެވެ.މިދިޔަ އަހަރުގެ ފުރަތަމަ ދެ މަހު އައިސްފައި ވަނީ 409،777 ޓޫރިސްޓުންނެވެ.

މިދިޔަ މަހު އެންމެ ގިނަ ޓޫރިސްޓުން އައިސްފައިވާ ފަސް ގައުމަކީ ގައުމުތަކަކީ އިނގިރޭސިވިލާތް (23،210 ޓޫރިސްޓުން)،
ޗައިނާ (21،928 ޓޫރިސްޓުން)، ރަޝިއާ (20،649 ޓޫރިސްޓުން)، އިޓަލީ (19،120 ޓޫރިސްޓުން) އަދި ޖަރުމަން (14،119 ޓޫރިސްޓުން) އެވެ.

މި އަހަރުގެ މިހާތަނަށް އެންމެ ގިނަ ޓޫރިސްޓުން އައިސްފައި ވަނީ ޗައިނާއިންނެވެ. އެ ގައުމަކީ މިދިޔަ އަހަރު ވެސް އެންމެ ގިނަ ޓޫރިސްޓުން އައި ގައުމެވެ. ރާއްޖޭގެ

މި އަހަރުގެ އަމާޒަކީ 2.3 މިލިއަން ޓޫރިސްޓުން ގެނައުމެވެ.