ރޯދަ ގެއްލޭ ކަންތައްތައް:
1- ޖިމާޢުވުން (އެއްދާންކުރުން)
2- ޖިންސީއެދުން ފުއްދުން
3- ކެއިންބުއިން
4- ކެއިން ބުއިމުގެ މާނައިގައި ހިމެނޭ ކޮންމެ ކަމެއް
5- ކާނާގެ ބަދަލުގައި ބޭނުން ކުރެވޭ އިންޖެކްޝަން ނުވަތަ އައިވީ
6- ގަސްތުގައި ހޮޑުލުން
7- ޙައިޟު ނިފާސްކަމުގެ ލޭނިކުތުން
ރޯދަ ނުގެއްލޭ ކަންތައްތައް:
1- ހަނދާން ނެތިގެން ކެއިންބުއިން
2- ނިދީގައި މަނި ބޭރުވުމަކުން ރޯދައެއް ނުގެއްލޭނެ
3- ދޮންދިނުމަކުން ރޯދައެއް ނުގެއްލޭނެ. ނަމަވެސް އެކަމުގެ ސަބަބުން ރޯދަ ގެއްލޭ ހިސާބަށް ހިނގައިދާނެކަމަށް ބިރު އޮތް ނަމަ ނުވަތަ ތިމާގެ ނަފްސު މަތަކުރެވޭނެކަމުގެ ޔަޤީންކަން ނެތް ނަމަ އެފަދަ ކަމެއްކުރުން ހުއްދަވެގެން ނުވޭ
4- ދަތް އުނގުޅުން
ދަތް އުނގުޅާ ބޭސްލައިގެން ބުރުހުން އުނގުޅި ނަމަވެސް ރޯދައެއް ނުގެއްލޭނެ. އަދި ގަސްތަކާ ނުލައި ބޭހުގެ އަަސަރު ކަރުތެއިން ދިޔުމަކުން ވެސް ރޯދައެއް ނުގެއްލޭނެ. ނަމަވެސް ގަސްތުގައި ބޭސް ދިރުވާލައިފި ނަމަ ރޯދަ ގެއްލޭނެ
5- ކާއެއްޗެއްގެ ލޮނުރަހަ ބެލުން ފަދަ ކަމަކަށް ދުލުގައި ޖައްސާލުމަކުން ރޯދައެއް ނުގެއްލޭނެ އެވެ. ނަމަވެސް ރަހަ ބެލުމަށް ފަހު އެބައި ދިރުވާލައިގެން ނުވާނެ
6- ސެންޓު ނުވަތަ އަތަރުގެ ވަސްބެލުމަކުން ރޯދައެއް ނުގެއްލޭނެ
7- ފިނިކުރުމަށް ގަޔަށް ފެން އެޅުމަކުން ރޯދައެއް ނުގެއްލޭނެ (مَجَالِسُ شَهْرِ رَمَضَانَ-لِابْنِ عُثَيْمِيْن-رَحِمَهُ اللهُ:72)
8- ލޮލަށް ބޭސްޖެހުން: އެއީ ދިޔާ ބޭހެއްކަމުގައި ވީނަމަވިޔަސްމެ. ނަމަވެސް ބޭހުގެ ރަހަ ކަރުތެރޭގައި ލައިފި ނަމަ ރޯދަ ގެއްލޭނެ ކަމަށް ބައެއް ޢިލްމުވެރިން ވިދާޅުވެފައިވޭ. އެންމެ ރަނގަޅު ގޮތަކީ ރޯދަ ނުގެއްލޭނެ ކަމަށް ބުނެވިފައިވި ބަސް. سَمَاحَةُ الشَّيْخ عَبْدُ الْعَزِيْزِ بْنِ عَبْدِ اللهِ بْنِ بَاز-رَحِمَهُ اللهُ-ވިދާޅުވިއެވެ. ޞައްހަ ގޮތަކީ (ލޮލުތެރެއަށް ބޭސް އެޅުމުގެ ސަބަބުން ކަރުތެރޭގައި) ރަހަ ލިޔަސް ރޯދަ ނުގެއްލުން. ނަމަވެސް ކަރުތެރޭގައި ރަހަލައިފި ނަމަ ޢިލްމުވެރިންގެ ޚިލާފުން ނިކުތުމުގެ ގޮތުން އެ ރޯދަ ޤަޟާކުރުމަކުން މައްސަލައެއް ނެތް.. ސަޢޫދީ ފަތުވާ ކޮމިޓީގެ ފަތުވާއަކީވެސް ލޮލަށް ބޭސް ޖެހުމަކުން ރޯދަ ނުގެއްލޭނެ ކަމަށް.
9- ކަންފަތް ދޮވުން ނުވަތަ ސާފުކުރުން
10- ނޭފަތަށް ޖަހާ ބޭސްތިކި ނުވަތަ އާވި އެރުވުންކަމުގައި ވިޔަސް ފެނުގެ ގޮތުގައި އެތެރެއަށް ބައެއް ނުދާ ނަމަ ނުވަތަ އެތެރެއަށް ދާ ބައި ދިރުވާނުލާ ނަމަ ރޯދައެއް ނުގެއްލޭނެ
11- އަދުން އެޅުމަކުން ރޯދައެއް ނުގެއްލޭނެ
12- ހިތުގެ މައްސަލަ ހުންނަ މީހުން ދުލުގެ ދަށަށްލާ އެތިކޮޅުން (ފަރުވާއެއްގެ ގޮތުގައި ކުރާ ކަމެއް) ކަރުތެރެއަށް ދާބައި ދިރުވައިނުލާނަމަ ރޯދައެއް ނުގެއްލޭނެ
13- ރަޙި މުތެރެއަށް ލައްވާ އެއްޗަކުން ނުވަތަ އެތެރެ ބެލުމަށް ލެވޭ ކެމެރާއަކުން ނުވަތަ ޑޮކްޓަރީ ގޮތުން ބަލަ ންޖެހޭ ބެލުމަކަށް އިނގިލި ލުމަކުން ރޯދައެއް ނުގެއްލޭނެ.
14- ފިރިހެނާގެ ކުޑަކަމުދާ ހޮޅީގެ ތެރެއަށް ވެއްދޭ ކެމެރާ ފަދަ ނުވަތަ މަޘާނާ ސާފުކުރުމަށް މަޘާނާގެ އެތެރެއަށް ޖަހާ ބޭހެއް ފަދަ އެއްޗަކުން ރޯދައެއް ނުގެއްލޭނެ.
15- ދަތް ތޮރުފުން ނުވަތަ ދަތް ލުއްސުން ނުވަތަ ދަތްޕިލާ ދޮވުން ފަދަކަމަކުން އެއްޗެއް ނުދިރޭހާ ހިނދަކު ރޯދައެއް ނުގެއްލޭނެ. ނަމަވެސް މިފަދަ ކަންކަން ރޭނގަޑަށް ފަސްކުރެވޭ ނަމަ އެގޮތް އައުލާކަން ބޮޑު
16- އަނގަޔަށް ފެން އަޅައިގެން އަނގަ ދޮވުން ނުވަތަ އިންހޭލާ ބޭނުން ކުރުން ފަދަ ކަމަކުން އަންނަ އެއްޗެއް ފެނުގެ ގޮތުގައި ކަރުތެރެއިން ނުދިރޭ ނަމަ ރޯދައެއް ނުގެއްލޭނެ
17- މަސްގަނޑަށް ޖަހާ އިންޖެކްޝަނާއި ނާރަށް ޖަހާ އިންޖެކްޝަނުގެ ތެރެއިން ކާނާގެ ގޮތުގައި ބޭނުން ކުރެވޭ އެއްޗަކުން މެނުވީ ރޯދައެއް ނުގެއްލޭނެ. ފަރުވާއެއްގެ ގޮތުގައި ބަލި މީހަކު ނޭވާލެއްވުމަ ށްދޭ އޮކްސިޖަން ބޭނުން ކުރުމަކުން ރޯދައެއް ނުގެއްލޭނެ
18- ހަށިގަނޑުގެ ބޭރުގައި އުނގުޅުމުގެ ސަބަބުން ހަންގަނޑަށް ވަދެގެންދާ އެއްޗަކުން ވެސް ރޯދައެއް ނުގެއްލޭނެ
19- ކަރުތެރެއިން ނޫން ގޮތަކަށް ބަނޑުތެރެ ބެލުމަށް ކެމެރާއެއް ވެއްދުމަކުން ރޯދައެއް ނުގެއްލޭނެ. ކަރުތެރެއިން ކެމެރާ ވެއްދުމަކުން ވެސް ރޯދައެއް ނުގެއްލޭނެ. ނަމަވެސް ކެމެރާ ވެއްދުމަށް ފަސޭހަކުރުމުގެ ގޮތުން ބޭހެއް ފަދައެއްޗެއް އޭގައި އުނގުޅާނަމަ ރޯދަ ގެއްލޭނެ.
20- ތަޙުލީލެއް ކުރުމަށް މޭގަނޑުން ނުވަތަ ހަށިގަނޑުތެރެއިން އެ ނޫން ވެސް ގުނަވަނަކުން އެތިކޮޅެއް ނެގުމަކުން ވެސް ރޯދައެއް ނުގެއްލޭނެ
21- ފަޖުރުލުމުގެ ކުރިން ޖުނުބުވެރިވެފައިވާ މީހާ، ފަޖުރުލީއިރު ހިނައި ނުގަނެ ރޯދަ ހިފުމުގެ ނިޔަތުގައި ހުރި ނަމަވެސް އެ ދުވަހުގެ ރޯދަ ޞައްޙަވާނެ
މައުލޫމާތު: ޝައިހް އަހުމަދު ސަމީރު