އައްޑޫން ކަރަންޓް ކެނޑޭތީ އެކަމާ ދެކޮޅަށް ހިތަދޫގައި މުޒާހަރާ ކުރަމުން އެބަދެ އެވެ.
މި މުޒާހަރާ ކުރިއަށް ދަނީ ހިތަދޫގައި ހުންނަ ފެނަކަ އިންޖީނުގެ ކުރިމަތީގަ އެވެ. އެގޮތުން ތަފާތު އިބާރާތްތައް ލިޔެފއިވާ ބޯޑްތަކާ އެކު މީހުންގެ އެއްވެ އަންނަނީ ޝުއޫރު ފާޅު ކުރަމުންނެވެ.
މު މުޒާހަރާގައި އައްޑޫގެ ބައެއް ކައުންސިލަރުން ވެސް ބައިވެރިވެވަޑައިގަނެ އެވެ.
އައްޑޫގެ ގުޅިފައިވާ އަަވަށްތަކުން ކަރަންޓް ކެނޑޭތީ ފެނަކައާ ދެކޮޅަށް މުޒާހަރާ ކުރަން ނުކުތީ މި ރޯދަ މަހު ވެސް އެކަމުގެ ތަކުލީފާ ކުރިމަތިލާން ޖެހި، މައްސަލަ ހައްލު ނުވެ ދިގުލައިގެންދާ އިރު، ކަރަންޓް ކެނޑޭތީ ބޮޑެތި ގެއްލުންތަކެއް ވެސް ލިބެމުންދާތީ އެވެ.
އައްޑޫގެ ގުޅިފައިވާ އަވަށްތައް ކަމަށްވާ ހިތަދޫ، މަރަދޫ، މަރަދޫފޭދޫ އަދި ފޭދޫން ކަރަންޓް ކެނޑޭ މައްސަލަ މި ރޯދަ އަށް ހައްލު ކުރަން 1.8 މެގަވޮޓްގެ ޖެނެރޭޓަރެއް ގެނެސް ބޭނުން ކުރަން ފެށި ނަމަވެސް މައްސަލަ އަށް ހައްލެއް ނުވެ އެވެ. އެހެންވެ ފެނަކައިން މިހާރު ނިންމާފައި ވަނީ އަނެއްކާ ވެސް 1.8 މެގަވޮޓްގެ އިތުރު ޖަނަރޭޓަރެއް ގެންނާށެވެ.
މިކަމާ ގުޅޭ ގޮތުން ފެނަކައިގެ މެނޭޖިން ޑިރެކްޓަރު މުހައްމަދު ނަޖާހު ވިދާޅުވީ މި މައްސަލަ ހައްލު ކުރުމަށް އަންނަ ހަފުތާ ތެރޭގައި އިތުރު ޖަނަރޭޓަރެއް އައްޑު އަށް ގެންދިއުމަށް މަސައްކަތް ކުރަމުން އަންނަ ކަމަށެވެ.