ހައްޖާއި އުމްރާ އަށް ދާ މީހުންނަށް ހާއްސަކޮށްގެން ހަލާލު ކޮސްމެޓިކްގެ އުފެއްދުންތަކެއް އެކުލެވޭ ކިޓެއް "ކިއުޓް ކްލޮޒެޓް" އިން ތައާރަފު ކުރުމާ ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު އެކަމަށް ޝުކުރު އަދާކުރައްވައިފި އެވެ.
ސޯޝަލް މީޑިއާ ޕޯސްޓެއްގައި މިނިސްޓަރު ވިދާޅުވީ އުމްރާ އާއި ހައްޖަށް ދާ މީހުން ބޭނުން ކުރާ ހަލާލު ޕްރޮޑަކްޓެއް ރާއްޖެ އަށް ތައާރަފުވެގެން ދިއުމަކީ ވަރަށް ރަނގަޅު ކަމެއް ކަމަށެވެ. މީރު ވަސް ނުދުވާ ގޮތަށް ތައްޔާރުކޮށްފައި ހުންނަ މިފަދަ ލޯޝަނާއި ސައިބޯނި އިހުރާމްގައި ތިބޭ އިރު ބޭނުން ކުރެެވޭނެ ކަމަށް މިނިސްޓަރު ވިދާޅުވި އެވެ.
"ވަރަށް ބޮޑަށް ޝުކުރިއްޔާ ކިއުޓް ކްލޮޒެޓް." ޝަހީމު ވިދާޅުވި އެވެ.
އެތަނުން ތައާރަފުކޮށްފައި ވަނީ "ލަފްޒް" ބްރޭންޑްގެ ހައްޖު އެންޑް އުމްރާ، ފްރެގްރެންސް ފްރީ ކިޓެކެވެ.