ރޯދަ މަހަކީ އަހަރެމެންގެ ތެރޭގައި ވަރަށްގިނައިން ކެއިންބުއިމުގެ ބާވަތްތައް ތައްޔާރުކުރާ، މަހެކެވެ. މި ގޮތަށް ގިނަ ބާވަތްތައް ތައްޔާރުކުރި ކަމަށް ވިޔަސް އިސްރާފު ނުވާނެ ގޮތަކަށް ޢަމަލުކުރަމާ ހެއްޔެވެ.
މި ލިޔުމުގައި މި ބަލާލަނީ ތައްޔާރުކޮށްފައި ހުންނަ ކާނާ ގަނޑުކުރާނެ ގޮތަށެވެ.
* ގަނޑުކުރަން ގަސްތުކުރާ ބައި، ކެއްކުމަށްފަހު ހިހޫވުމުން ދެ ގަޑިއިރުތެރޭ ގަނޑުކުރާށެވެ.
* ތައްޔާރުކޮށްފައި ހުރި ކާނާ މަތިޖެހޭ އައިސްކިއުބް ޓްރޭއަކަށް ނުވަތަ ތައްޓަކަށް އަޅާށެވެ.
* ޓްރޭއަށް ނުވަތަ ތައްޓަށް އަޅާއިރު ބައި އިންޗިވަރު ހުހަށް ބައިދަން ވާނެ އެވެ.
* މަތިޖެހެން ނެތްނަމަ ރަނގަޅަށް ވައި ބަންދު ނުވާނެހެން ޕްލާސްޓިކް ރެޕް އަޅާށެވެ.
* ގަނޑުކުރާ ބައިގައި ރޯމަސްފަދަ ތަކެތި ހުރިނަމަ އެތަކެތީގައި އެއްވެސް ވަރަކަށް ނުހޭކޭ ގޮތަށް ވަކިން ބަހައްޓާށެވެ.
* ގަނޑުވުމުން ކާނާ/ކިއުބްތައް ޓްރޭއިން ނެގުމަށް ފަހު އެކަމަށް ޚާއްސަކުރެވިފައި ހުންނަ ފްރީޒަ ކޮތަޅެއްގައި ނުވަތަ ވައިބަނދުވާ ތައްޓަކަށް އެޅުމަށްފަހު ގަނޑުކުރާ ބައިގައި ރައްކާކޮށްފައި ބަހައްޓާށެވެ.
* ތަށި ނުވަތަ ކޮތަޅުގައި ތައްޔާރުކުރި ތާރީޚް އަދި ކޮން ކާނާއެއްކަން އެމގޭނެ ގޮތަށް ލޭބަލް ކުރާށެވެ.
ކާނާ ފަހަށް ރައްކާ ކުރުމަކީ ކާނާގެ ޔަގީންކަން ކަށަވަރު ކުރުމަށް އެޅިދާނެ ރަނގަޅު ފިޔަވަޅެކެވެ.
މައުލޫމާތު: އެގްރިކަލްޗަ މިނިސްޓްރީ