އުރީދޫ މޯލްޑިވްސްހެ އެމް-ފައިސާ ބޭނުންކޮށްގެން ދަ ހޯކްސް ކުންފުނީގެ ހުޅުމާލޭ ހުންނަ ޕެޓްރޯލް ޝެޑަށް ފައިސާ ދެއްކޭނެ އިންތިޒާމު ހަމަޖައްސައިފި އެވެ.
އުރީދޫން ބުނީ ފުޅާ ދާއިރާއެއްގައި ތަފާތު އެކި ވިޔަފާރިތައް ކުރަމުން އަންނަ ދަ ހޯކްސް އާއެކު ޕާޓްނާވެ، އެ ކުންފުނީގެ ޕެޓްރޯލް ސްޓޭޝަންތަކުން ހިދުމަތް ހޯދާ ފަރާތްތަކަށް ޒަމާނީ، ރައްކާތެރި އަދި ފަސޭހަ ޑިޖިޓަލް ޕޭމަންޓް ސޮލިއުޝަން އެމް-ފައިސާ މެދުވެރިކޮށް ފައިސާ ދެއްކޭނެ އިންތިޒާމް މިހާރު ހަމަޖައްސާފައިވާ ކަމަށެވެ.
މާލެ ސަރަހައްދު ހިމެނޭހެން ރާއްޖޭގެ އެކި ހިސާބުތަކުގައި 10 ސްޓޭޝަނެއް ގާއިމުކޮށް ހޯކްސް އިން އަންނަނީ ހިދުމަތް ދެމުންނެވެ.
އުރީދޫގެ އެމް-ފައިސާއަކީ ފަސޭހަކަމާ އެކު ފައިސާ ޖަމާކުރުމާއި ފައިސާ ނެގުމާއި ޓްރާންސްފާ ކުރުމާއި ވިޔަފާރިތަކަށް ފައިސާ ދެއްކޭ ޑިޖިޓަލް ޕޭމަންޓް ސޮލިއުޝަނެކެވެ. އެ މެދުވެރިކޮށް ކެފޭ/ރެސްޓޯރަންޓާއި ފިހާރަތަކުން ވެސް ހިދުމަތް ހޯދެ އެވެ. އަދި ސްޓެލްކޯ، އެމްޑަބްލިއުއެސްސީ، އުރީދޫގެ ހިދުމަތްތަކަށާއި މީޑިއާނެޓް ފަދަ ގިނަ ހިދުމަތްތަކަށް ބިލު ދެއްކުމުގެ އިތުރުން ކައްކާ ގޭހަށް އޯޑަރުކޮށް ފައިސާ ދެއްކެ އެވެ..
ބޭންކް އޮފް މޯލްޑވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) އަދި ސްޓޭޓް ބޭންކް އޮފް އިންޑިއާ (އެސްބީއައި) އިން ވެސް އެމް-ފައިސާއިން ކަސްޓަމަރުންނަށް ފަސޭހަކަމާ އެކު، އޮންލައިންކޮށް ޑިޖިޓަލް ވޮލެޓް ޓޮޕްއަޕް ކުރުމުގެ ފުރުސަތު ފަހިކޮށް ދީފައިވެ އެވެ.