ހުޅުމާލޭގައި ތެޔޮ ރައްކާކުރާ ޓޭންކުތަކެއް ހެދުމަށް ސްޓެލްކޯ އިން އެމްޓީސީސީއާ ހަވާލުކޮށްފި އެވެ.
މިކަމުގެ އެއްބަސްވުމުގައި ސްޓެލްކޯގެ ފަރާތުން މިއަދު ސޮއި ކުރެއްވީ މެނޭޖިން ޑިރެކްޓަރު ހުސައިން ފަހުމީ އެވެ. އެމްޓީސީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ސައުދީ އެވެ.
އެމްޓީސީސީން ބުނީ ހުޅުމާލޭގެ ފޭސް އެކެއްގައި ބަހައްޓާ ތެޔޮ ޓޭންކުތަކުގެ ސަބަބުން ކަރަންޓުގެ ޑިމާންޑް އެންމެ ބޮޑުވާ ވަގުތުތަކުގައި ޚިދުމަތް ފޯރުކޮ ށްދިނުމަށް ބޮޑު އެހީތެރި ކަމެއް ލިބޭނެ ކަމަށެވެ. މި އެއްބަސްވުމުގެ ދަށުން 80،000 ލީޓަރުގެ ތެޔޮ ރައްކާކުރާ ދެ ޓޭންކު ބަހައްޓަން ހަމަޖެހިފައިވެ އެވެ.
މާލެ ސަރަޙައްދުގައި އިތުރުވަމުން އަންނަ އާބާދީ އަށް، ދެމެހެއްޓެނިވި ގޮތެއްގައި ޚިދުމަތް ފޯރުކޮށްދެވޭކަން ކަށަވަރުކުރުމަށް، ހުޅުމާލޭގައި ވަގުތީ އިންޖީނުގެއެއް ވެސް އަޅައިފަ އެވެ.
މި މަޝްރޫޢުގެ ދަށުން 13 ޖަނަރޭޓަރު ބަހައްޓައި، ގްރިޑަށް ޖުމްލަ 17 މެގޮވޮޓްގެ ކަރަންޓު ކެޕޭސިޓީ އިތުރު ކުރާނެ އެވެ.