ރެޖިސްޓްރާ އޮފް ކޮމްޕެނީޒްގެ މަޤާމަށް މަރިޔަމް ޝަމްއާ އިސްމާއީލް ހަމަޖައްސައިފި އެވެ.
މި މަގާމަށް ޝަމްއާ ހަމަޖެއްސީ އެ މަގާމުގައި ކުރިން ހުންނެވި މަރިޔަމް ވިސާމް އިސްތިއުފާ ދެއްވުމާ ގުޅިގެންނެވެ.
Congratulations to Uz. Mariyam Shamma Ismail on her appointment as the new Registrar of Companies. Wishing her every success in this important role. pic.twitter.com/DiSIlJDdCQ
— Mohamed Saeed (@em_saeed) March 10, 2025
ޝަމްއާއަކީ ބެޗްލާސް އޮފް ލޯ ހާސިލުކުރައްވާފައިވާ ބޭފުޅެކެވެ. އެގޮތުން އޭނާ ބެޗެލާސް ހާސިލްކުރެއްވީ ޔުނިވާސިޓީ އޮފް ދަ ވެސްޓް އޮފް އިންގްލެންޑް ބްރިސްޓްލް އިންނެވެ.
މި މަގާމަށް ހަމަޖެއްސުމުގެ ކުރިން ޝަމްއާ ހުންނެވީ ކޮންސިއުމާ އޮމްބަޑްސްމަންގެ މަގާމުގަ އެވެ. އޭގެ ކުރިން އޭނާ ވަނީ މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ލީގަލް ކޮންސަލްޓަންޓެއްގެ މަގާމު ވެސް ފުރުއްވާފަ އެވެ.
މީގެއިތުރުން ހިއުމަންރައިޓްސް ކޮމިޝަން އޮފް މޯލްޑިވްސްގެ ލީގަލް އެންޑް ޕޮލިސީގެ ޑިރެކްޓަރުގެ މަގާމާއި ސުޕްރީމް ކޯޓުގެ ރެޖިސްޓްރާގެ މަގާމު ވެސް އޭނާ ފުރުއްވާފައިވެ އެވެ.