އިސްލާމިކް ޔުނިވާސިޓީ (އައިޔޫއެމް) ގެ ކުއްލިއްޔާ އޮފް ޤުރްޢާން އެންޑް ސުންނާގެ ފަރާތުން "މަހްރަޖާނުލް ޤުރްޢާނިލްކަރީމް" ގެ ނަމުގައި ތަފާތު ކިޔެވުންތަކާއި ތަފްސީރު ފިލާވަޅުތަށް އަޑުއެހުމަށް އާންމުންނަށް ހުޅުވާލައިފި އެވެ.
މާދަމާ ރޭ 9:30 ގައި ކުރިއަށް ގެންދަން ހަމަޖެހިފައިވާ މި ޕްރޮގްރާމްގައި އެ ޔުނިވަސިޓީގެ ވައިސް ޗާންސެލަރު ޑރ. ޢަލީ ޒާހިރާއި ޝައިޙް ނިމާލު މުޙައްމަދާއި ޝައިޙް އަބްދުލްޢަޒީޒު ޙުސައިނާއި އައްޡާލިބު ދާނިޝް ބިން މުޙައްމަދު ފަތުހީ އާއި ޑރ. މުޙައްމަދު މަސްޢޫދ ޢުލްވާނ އާއި، އައްޡާލިބާ މުސްލާ މޫސާ އާއި އައްޡާލިބާ އާމިނަތު ދީނާ ރަޝީދު އަދި ފަޞިލަތުއްޝައިޙުލްމުޤްރި އަޙްމަދު ލާޝީން ވަނީ މުދައްރިސުންގެ ގޮތުގައި ބައިވެރިވެވަޑައިގަންނަވާނެ އެވެ.
"މަހްރަޖާނުލް ޤުރްޢާނިލްކަރީމް" ގައި އައިޔޫއެމްގެ ޔުނިވަސިޓީ ހޯލްގައި ކުރިއަށް ދިޔުމަށް ހަމަޖެހިފައިވާ އިރު، މި ޕްރޮގްރާމް އަސްލު ޓީވީ އާއި ޔުނިވަސިޓީގެ ސޯޝަލް މީޑިއާ ލައިވް ވެސް ކުރާނެ އެވެ.