ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު، އަލީ ޙަމީދު ދިރިއުޅުއްވާ މާލޭ ހިޔާ 2 ފްލެޓަށް ވަދެވަޑައިގަންނަވަން އުޅުއްވަނިކޮށް ގްރޫޕަކުން އެބޭފުޅާއަށް ހަމަލާދޭން މަސައްކަތް ކޮށްފިއެވެ.
މިފަދަ މައްސަލައެއް ބަލަމުންދާކަމަށް ފުލުހުން ކަށަވަރު ކޮށްދެއްވައެވެ. މައުލޫމާތު ލިބިފައިވާ ގޮތުގައި ހާދިސާ ހިނގާފައިވަނީ އިއްޔެ ހެނދުނު 11:20 ހާއިރު އެވެ.
ފުލުހުން ބުނީ މިހާދިސާ އާއި ގުޅިގެން އަދި މީހަކު ހައްޔަރުކޮށްފައި ނުވާ ކަމަށާއި މައްސަލަ ބަލަމުން އަންނަ ކަމަށެވެ.
އަލީ ހަމީދު ދިރިއުޅުއްވާ މާލެ ހިޔާ2 ގެ ލިފްޓަށް މައްސަލަ ޖެހިފައިވާތީ އެބޭފުޅާ މިފަހަކަށް އައިސް ބޭނުން ކުރައްވަނީ އިމާރާތުގެ އަނެއް ފަރާތުގައި ހުންނަ ސިޑިއެވެ. އެ ސަރަހައްދުގައި ފުލުހުން ފޯރިއަކަށް ނުތިބެއެވެ.
ނަމަވެސް އިމާރާތުގެ ލިފްޓް ހުންނަ ސަރަހައްދުގައި ފުލުހުން ފޯރިމަރައެވެ. މިހާދިސާއިން އަނިޔާއެއް ނުލިބި އަލީ ހަމީދު ވަނީ ސަލާމަތް ވެވަޑައިގެންފައެވެ.