ސުޕްރީމް ކޯޓުގެ ފަނޑިޔާރުކަމަށް ކުރިމަތިލާން ހުޅުވައިލުޖމާ ގުޅިގެން އެ މަގާމަށް ކުރީގެ ޑެޕިއުޓީ ޕްރޮސެކިއުޓާ ޖެނެރަލް، މަރިޔަމް ނިހާޔަތު ކުރިމަތިލައްވައިފި އެވެ.
ސުޕްރީމް ކޯޓުގެ ފަނޑިޔާރު ކަމަށް ކުރިމަތިލާން ދިން މުއްދަތު ހަމަވީ މިއަދު ހެނދުނު 11:00 އެވެ. ސުންގަޑި ހަމަވި އިރު ކުރިމަތިލެއްވީ ވެސް ނިހާޔަތު އެކަންޏެވެ.
އޭނަ އަކީ 2019 ގައި ވެސް ސުޕްރީމް ކޯޓުގެ ފަނޑިޔާރު ކަމަށް ކުރިމަތިލެއްވި ބޭފުޅެކެވެ. ނިހާޔަތަކީ މީގެ ކުރިން ސިވިލް ކޯޓުގެ ގާޒީކަން ވެސް ކުރެއްވި ބޭފުޅެކެކެވެ. އޭނަ ޑެޕިއުޓީ ޕީޖީގެ މަގާމު އަދާކުރެއްވީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ.
ސުޕްރީމް ކޯޓުގެ ބެންޗުން ފަނޑިޔާރެއްގެ މަގާމު ހުސްވީ ބެންޗްގައި ހިމެނިވަޑައިގެންނެވި ހުސްނުއްސުއޫދު އިސްތިއުފާ ދެއްވުމުންނެވެ. އޭނަ އިސްިތިއުފާ ދެއްވީ ޖުޑިޝަލް ސާވިސް ކޮމިޝަން ސީއެސްސީ) އިން ބަލަމުން އަންނަ މައްސަލައަކާ ގުޅުުގެން ސަސްޕެންޑްކޮށްފައި ވަނިކޮށެވެ.