ޕްރައިވެޓައިޒޭޝަން އެންޑް ކޯޕަރަޓައިޒޭން ބޯޑު (ޕީސީބީ) ގެ ރައީސްކަމުގެ މަގާމަށް މުޙައްމަދު އަނަސް ޢައްޔަންކޮށްފި އެވެ.
އެ މަގާމަށް އޭނަ މިއަދު އައްޔަންކުރެއްވީ ރައީސް ޑރ. މުހައްމަދު މުއިއްޒެވެ.
އަނަސް އަކީ ގައުމީ ޔުނިވަސިޓީން މާސްޓަ އޮފް ބިޒްނަސް އެޑްމިނިސްޓްރޭޝަން ހާސިލު ކުރައްވާފައިވާ ބޭފުޅެކެވެ. އޭނަ
ކުރިން އަދާކުރައްވާފައިވާ މަޤާމުތަކުގެ ތެރޭގައި ފިނޭންސް މިނިސްޓްރީގެ ނައިބުކަމާއި ހައުސިން ޑިވެލޮޕްމަންޓް ކޯރޕަރޭޝަން އެޗްޑީސީ) ގެ އޮޑިޓް މެނޭޖަރުކަމާއި މޯލްޑިވްސް ބިޒްނަސް ސްކޫލުގެ އެސޯސިއޭޓް ޕްރޮފެސަރުގެ މަގާމު ހިމެނެ އެވެ.
ޕީސީބީ އަކީ ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓަރކޮށް އިވެލުއޭޓްކުރުމަށް އުފައްދާފައިވާ ބޯޑެކެވެ.
ޕީސީބީގެ ރައީސަކަށް އަނަސް އައްޔަންކުރި އެ މަގާމުގައި ކުރިން ހުންނެވި ހަމްދީ އަގީލް ވަނީ މިދިޔަ މަހުގެ ތެރޭގައި މަގާމުން ވަކިކޮށްފަ އެވެ. އޭނަ ޕީސީބީގެ ރައީސަކަށް އައްޔަންކުރީ ނޮވެމްބަރު 22، 2023 ގަ އެވެ.