ބ. ދަރަވަންދޫގެ ދެމަފިރިއެއްގެ ދެމަދުގައި ހިންގި މާރާމާރީއެއްގައި ފިރިމީހާ ޒަހަމްކޮށްލައިފި އެވެ.
ފުލުހުން ބުނީ އެ ހާދިސާ ހިނގާފައި ވަނީ އިއްޔެ ރޭ ކަމަށާއި އެ ހާދިސާގެ މައުލޫމާތު ފުލުހުންނަށް ލިބުނީ އެރޭ ދަންވަރު 1:52 ހާއިރު ކަމަށެވެ.
ޒަހަމްވި ފިރިހެން މީހާ އަށް ބ. އޭދަފުށީ ހޮސްޕިޓަލްގައި ފަރުވާ ދީފައިވާ ކަމަށް ވެސް ބުންޏެވެ. ނަމަވެސް އޭނަ އަށް ލިބުނު އަނިޔާތަކުގެ ތަފުސީލެއް ފުލުހުން ހާމައެެއް ނުކުރެ އެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.