ޒާތީ ނުވެ ސިޔާސީ ވެވިދާނެ ކަމަށާއި ތަހުޒީބުވާންވީ ފިކުރާއި ވިސްނުން ކަމަށް އިމިގްރޭޝަން ކޮންޓްރޯލަރު މުހައްމަދި ޝަމާން ވިދާޅުވެއްޖެ އެވެ.
އެމްޑީޕީން މިހާރު މާލޭގައި ސިލްސިލާކޮށް ކުރިއަށް ގެންދާ މުޒާހަރާތަކުގެ ތެރެއިން ބުރާސްފަތި ދުވަހުގެ ބޭއްވި މުޒާހަރާއެއްގައި ޑރ. މުޙައްމަދު މުޢިއްޒުގެ ދަރިކަލަކަށް ނިސްބަތްކޮށް އެމްޑީޕީގެ އަންހެން އެކްޓިވިސްޓެއް ކަމަށްވާ މަރިޔަމް ޒުބައިރު (މަންދީ) ދެއްކި ވާހަކަތަކާ ގުޅިގެން ޝަމާން ސޯޝަލް މީޑިއާ ޕޯސްޓެއްގައި ވިދާޅުވީ ސިޔާސީ ބޭނުމަށ ސިޔާސީ މައިދާނުގައި އެއްގޮތަކަށް ވެސް ނޫޅޭ ކުޑަ ކުދިންނާއި އަންހެން ކަނބަލުންގެ ކަރާމާތް ގެއްލުވާ ނުލަން އެދިވަޑައިގަންނަވާ ކަމަށެވެ.
ޒާތީ ނުވެ ސިޔާސީ ވެވިދާނެ. ހާއްސަކޮށް ސިޔާސީ ބޭނުމަށް ސިޔާސީ މައިދާނުގައި އެއްގޮތަކަށްވެސް ނޫޅޭ ކުޑަ ކުދިންނާއި އަންހެން ކަނބަލުންގެ ކަރާމާތް ގެއްލުވާ ނުލައްވާ. ތިޔަ ސެޓް ކުރެވެނީ ވަރަށް ނުބައި ޓްރެންޑެއް އަދި ދައްކުވައި ދެވެނީ ވަރަށް ގޯސް މިސާލެއް.…
— Mohamed Shamaan Waheed (@ShamaanW) March 14, 2025
"ތިޔަ ސެޓް ކުރެވެނީ ވަރަށް ނުބައި ޓްރެންޑެއް. އަދި ދައްކުވައި ދެވެނީ ވަރަށް ގޯސް މިސާލެއް،" އޭނަ ވިދާޅުވި އެވެ. "ތަހުޒީބު ވާންވީ ފިކުރާއި ވިސްނުން."
މަންދީ ދެއްކި ވާހަކަތައް އެޗްސީއާރްސީމުން ވެސް ކުށްވެރިކޮށްފައިވާ އިރު، ސަރުކާރު ހިންގާ ޕާޓީ، ޕީއެންސީ އަށް ނިސްބަތްވާ ވަރަށް ގިނަ ބަޔަކު އަންނަނީ މަންދީ އަށް ހަރުކަށި ފިޔަވަޅު އަޅަން ވެސް ގޮވައިލަމުންނެވެ.