ޅަ ދަރިންގެ ހައްގުތަކަށް އަރައިގަތުމަކީ ސަރުކާރު ޖަވާބުދާރީ ކުރުވުމެއް ނޫން ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
އިދިކޮޅު އެމްޑީޕީން މިހާރު ސިލްސިލާކޮށް މާލޭގައި ކުރިއަށް ގެންދާ މުޒާހަރަތާކުގެ ތެރެއިން މިދިޔަ ބުރާސްފަތި ދުވަހުގެ ރޭ ބޭއްވި މުޒާހަރާއެއްގައި އެ ޕާޓީގެ އެކްޓިވިސްޓެއް ކަމަށްވާ މަރިޔަމް ޒުބައިރު (މަންދީ)، ރައީސް ޑރ. މުހައްމަދު މުއިއްޒުގެ ދަރިކަލަކަށް ނިސްބަތްކޮށް ދެއްކި ވާހަކަތަކާ ގުޅިގެން ސައީދު ވިދާޅުވީ ރައީސްގެ ޢާއިލާ އާއި އެމަނިކުފާނުގެ ޅަދަރީންގެ ޙައްގުތަކަށް އަރައިގަތުމަކީ ސަރުކާރު ޖަވާބުދާރީ ކުރުމެއް ނޫން ކަމަށެވެ.
ރައީސް ޑރ މުޢިއްޒުގެ ޢާއިލާއާއި އެމަނިކުފާނުގެ ޅަދަރީންގެ ޙައްގުތަކަށް އަރައިގަތުމަކީ ސަރުކާރު ޖަވާބުދާރީ ކުރުމެއް ނޫން. މިހާ ދަށުދަރަޖައިގެ ކަމެއް ކުށްވެރި ކުރުމުގެ ބަދަލުގައި، އިދިކޮޅު ބައެއް ލީޑަރުން މިކަން ދިފާޢުކުރުމަކީ ގޮތްކުޑަ ލަދުވެތި އަމަލެއް.
— Mohamed Saeed (@em_saeed) March 14, 2025
"މިހާ ދަށު ދަރަޖައިގެ ކަމެއް ކުށްވެރި ކުރުމުގެ ބަދަލުގައި، އިދިކޮޅު ބައެއް ލީޑަރުން މިކަން ދިފާޢު ކުރުމަކީ ގޮތްކުޑަ ލަދުވެތި އަމަލެއް." އޭނަ ވިދާޅުވި އެވެ.