އޮސްކާ އެވޯޑް ވެސް ހާސިލުކޮށްފައިވާ ހޮލީވުޑްގެ މަޝްހޫރު ތަރި ވިލް ސުމިތުގެ ގިނަ އަހަރުތަކެއް ފަހުން އޭނަގެ ފުރިހަމަ ދެވަނަ އަލްބަމް ނެރެން ތައްޔާރުވެއްޖެ އެވެ.
މި ވާހަކަ 56 އަހަރުގެ އެކްޓަރު އިންސްޓަގްރާމްގައި ވެސް ހިއްސާކޮށް ބުނީ އޭނަގެ އާ އަލްބަމް "ބޭސްޑް އޮން ޓްރޫ ސްޓޯރީ" މި މަހުގެ 28 ގައި ނެރޭނެ ކަމަށެވެ. ކާމިޔާބު އެތައް ފިލްމެއް ކުޅެފައިވާ ސުމިތުގެ ފުރަތަމަ ފުރިހަމަ އަލްބަލަކީ 1997 ގެ ރެޕް އަލްބަމް "ބިގް ވިލީ ސްޓައިލް" އެވެ. އެ އަލްބަމަކީ އެންމެ ކާމިޔާބު ރެޕް އަލްބަމްގެ ތެރޭގައި ހިމެނޭ އަލްބަމެކެވެ.
ސުމިތުގެ އާ އަލްބަމް "ބޭސްޑް އޮން ޓްރޫ ސްޓޯރީ" ގައި ޖުމްލަ 14 ޓްރެކް ހިމެނޭނެ އެވެ. މީގެ އެކި ލަވަތަކުގައި އެކިއެކި ފަންނާނުން ހިއްސާވެފައިވެ އެވެ. އިންސްޓަގްރާމް ޕޯސްޓްގައި ޓްރެކް ލިސްޓް ވެސް ހިއްސާކޮށްފައިވެ އެވެ.
ސުމިތު ނެރެފައިވާ އަލްބަމްތަކުގެ ތެރޭގައި ވިލީނިއަމް (1999)، ބޯން ޓު ރެއިން (2002) އަދި ލޮސްޓް އެންޑް ފައުންޑް (2005) ހިމެނެ އެވެ.
އޭނަގެ އެންމެ ފަހުގެ ފިލްމަކީ މިދިޔަ އަހަރު "ބޭޑް ބޯއިސް" ފްރެންޗައިޒްގެ ހަތަރު ވަނަ ފިލްމު "ބޭޑް ބޯއިސް: ރައިޑް އޯ ޑައި" އެވެ.