ކްރިމިނަލް ކޯޓަށް ހުށަހަޅާފައިވާ މައްސަލައަކާ އެ ކޯޓަށް ހާޒިރު މިދޔަ ޖެނުއަރީ މަހުގެ ތެރޭގއައި ފުލުހުން ހޯދަން އިއުލާންކުރި އައްޑޫ ޒުވާނަކު ހޯދަން އަނެއްކާ ވެސް އިއުލާންކޮށްފި އެވެ.
ހޯދަނީ އެ އަވަށު އިރަމާގެ، ޙުސައިން ޒައިދާން ޢަލީ، 24، އެެވެ.
އޭނަ ހޯދަން ފުލުހުން ދެވަނަ ފަހަރަށް އިއުލާންކުރީ ޒައިދާންގެ މައްޗަށް ހުށަހެޅިފައިވާ އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތެއްގައި ބާރު ހިންގުމުގެ ކުށުގެ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން މިއަދު ހެނދުނު 11:00 އަށް ކްރިމިނަލް ކޯޓަށް ހާޒިރުކޮށް ދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެންނެވެ.
އެހެންވެ އޭނައާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކޮށް ދޭން ފުލުހުން އެދިފައިވެ އެވެ.